Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Arıların nəsli kəsilməsi səbəbindən yox olacaq məhsullar - Siyahı açıqlandı
Arılar çiçəkli bitkilərin çarpaz tozlanmasında əsas rol oynayır. Onların yox olması nəticəsində təkcə meyvə və tərəvəzlər deyil, həm də qoz-fındıq, qəhvə, bəzi dənli bitkilər, süd və ət məhsulları kimi geniş ərzaq zənciri ciddi şəkildə zərər görə bilər.
Qaynarinfo xəbər verir ki, bu barədə gazeta.ru-ya Kazan Dövlət Aqrar Universitetinin nəzdində Baytarlıq Təbabəti Akademiyasının biologiya kafedrasının dosenti Aleksey Munyov bildirib.
Mütəxəssisin sözlərinə görə, tozlanma prosesi sadə görünsə də, çox effektiv mexanizmə əsaslanır: arı nektar toplamaq üçün çiçəyə qonduqda, polen dənələri onun bədəninə yapışır və digər çiçəklərə daşınır. Bu proses bitkilərin çoxalmasını və genetik müxtəlifliyini təmin edir, nəticədə onlar xəstəliklərə və iqlim dəyişikliklərinə daha davamlı olur. Arılar olmadan kənd təsərrüfatının böyük hissəsi fəaliyyətini itirə bilər.
Munyovun sözlərinə görə, dünya ərzaq istehsalının təxminən üçdə biri həşəratların tozlandırmasına bağlıdır və burada əsas pay bal arılarına düşür. Digər həşəratlar – kəpənəklər, şanapipiklər və s. bu boşluğu kompensasiya edə bilmir.
Bəzi məhsullar arılardan xüsusilə asılıdır. Məsələn, badam 100% arılar vasitəsilə tozlanır və alternativ yoxdur. Alma, qarabaşaq, günəbaxan, yonca və lucerna isə arılar olmadan 40–90% məhsuldarlıq itkisi ilə üzləşə bilər.
Yonca və lucerna heyvandarlıq üçün əsas yem bazası sayılır. Buna görə arıların yoxluğu təkcə meyvə-tərəvəz istehsalını deyil, həm də süd və ət sənayesini ciddi şəkildə zərbə altına alır.
Əgər arılar yox olarsa, bir çox bitkilər çoxalma imkanını itirər. Təxminən çöl çiçəklərinin 90%-i həşəratların, əsasən də arıların tozlanmasına bağlıdır. Bu isə təkcə kənd təsərrüfatına deyil, ekosistemə də ciddi təsir edər: torpağı azotla zənginləşdirən yonca və çay sahillərini möhkəmləndirən söyüd kimi bitkilər də azala bilər.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər