Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
İnsanların ünsiyyətdə tez-tez istifadə etdiyi 6 passiv-aqressiv ifadə
Passiv-aqressiv davranış gündəlik ünsiyyətdə – dostlar, partnyorlar, ailə üzvləri və iş yoldaşları ilə söhbətlərdə tez-tez rast gəlinir. Lakin bu davranış çox vaxt dolayı olduğu üçün onu dərhal tanımaq çətin olur.
Qaynarinfo xəbər verir ki, bu barədə "Huffpost” yazır.
Passiv-aqressiv davranış nədir?
Los-Ancelesdən klinik psixoloq Rayan Hauzun izahına görə, bu davranış qəzəb və narazılıq kimi mənfi emosiyaların birbaşa deyil, dolayı yolla ifadə olunmasıdır.
Məsələn, insan kiməsə əsəbiləşdiyi üçün bunu açıq demək əvəzinə, onu qəsdən qarşılamaya getmir.
"Bu, çox vaxt müdafiə mexanizmi olur, çünki insanlar birbaşa emosiyalarını ifadə edib mənfi reaksiya almaqdan çəkinirlər”, deyə psixoloq bildirib.
Toronto şəhərindən münasibətlər eksperti Cess O’Reyli isə qeyd edir ki, passiv-aqressiv ünsiyyət insanın nə demək istədiyini birbaşa demədən hisslərini çatdırmaq cəhdidir.
"Bu, qarışıq, əsəbiləşdirici və münasibətlər üçün zərərli ola bilər”, deyə o vurğulayıb.
Mütəxəssislərin fikrincə, ən çox rast gəlinən passiv-aqressiv ifadələr bunlardır:
"Afərin”
Psixoloq Hauza görə, bu söz çox vaxt səmimi tərif deyil, gizli qısqanclıq və narazılıq ifadə edir.
Məsələn: "Eyni layihələr üzərində işlədik, amma yüksəlişi sən aldın. Afərin".
Mütəxəssislər bunun əvəzinə hissləri açıq ifadə etməyi və konstruktiv danışmağı tövsiyə edirlər.
"Mənə elə gəlir ki, sən belə hiss edirsən”
Bu ifadə zahirən üzrxahlıq kimi görünsə də, əslində məsuliyyəti qarşı tərəfə ötürə bilər.
Psixoloqlar bildirir ki, daha düzgün variant "səni incitdiyim üçün üzr istəyirəm” kimi birbaşa məsuliyyət daşıyan cümlələrdir.
"Yaxşıdır”
İnsan narazı olsa da, bunu gizlədib "yaxşıdır” deməsi passiv-aqressiv davranış sayılır.
Ekspertlərə görə, bu vəziyyətdə hissləri açıq şəkildə ifadə etmək daha sağlamdır.
"Necə istəyirsən”
Bu ifadə adətən insanın artıq müzakirədən yorulduğunu və narazılığını dolayı yolla göstərir.
Mütəxəssislər kompromis axtarmağı və açıq dialoq qurmağı tövsiyə edirlər.
"Əgər sən belə deyirsənsə”
Bu sözlər qarşı tərəfin fikirlərini dəyərsizləşdirə bilər və söhbəti bağlaya bilər.
Psixoloqlar açıq dialoq və maraqlı suallar verməyi daha düzgün hesab edirlər.
"Sən çox həssassan”
Bu ifadə qarşı tərəfin hisslərini inkar edir və məsuliyyəti onun üzərinə atır.
Mütəxəssislər bunun əvəzinə empatiya göstərməyi və qarşı tərəfi dinləməyi tövsiyə edirlər.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər