Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Demi Mur Kann Film Festivalında 150 karatlıq “Swarovski” daşları ilə diqqət çəkdi (FOTO)
Demi Murun 2026-cı il Kann Film Festivalındakı dəbli çıxışları "Self-Portrait” markasının xüsusi hazırlanmış libası və dəyəri 400 min dollardan çox olan "Swarovski” zinət əşyaları ilə davam edib.
Qaynarinfo-nun verdiyi xəbərə görə, aktrisa cümə axşamı Fransanın Kann şəhərində keçirilən "La Bola Negra” filminin qala gecəsində qırmızı xalıda görüntülənib.
"Oskar” mükafatına namizəd göstərilən "The Substance” filminin ulduzu və 2026-cı il Kann Film Festivalının münsiflər heyətinin üzvü Demi Mur (Demi Moore) Britaniyanın müasir lüks moda markası "Self-Portrait” üçün xüsusi hazırlanmış tünd sapfir mavisi libas geyinib. Libas markanın London atelyesində fransız moire parçasından hazırlanıb.
Kəmərsiz dizayna malik geyim arxa hissəyə doğru uzanan iri dekonstruksiya edilmiş bant və axıcı lent detalları ilə seçilib. "Self-Portrait” markasının təsisçisi və kreativ direktoru Han Çonq (Han Chong) markanın rəsmi "Instagram” hesabında paylaşdığı açıqlamada bildirib:
"Demi Mur üçün Kann festivalına hazırladığımız bu xüsusi libas qırmızı xalının bu gün necə görünə biləcəyinə dair baxışımızı əks etdirir”.
O əlavə edib:
"Dizaynımızın bu səviyyədə qlobal diqqət mərkəzində yer almasını görmək "Self-Portrait”in əsas məqsədinə toxunur. Məqsədimiz hər zaman yüksək səviyyəli dizaynı mümkün qədər çox insan üçün əlçatan etmək olub”.
"Self-Portrait” libası ilə yanaşı, Demi Mur sapfir rəngli görünüşünü "Swarovski Created Diamonds Galaxy Collection” zinət əşyaları ilə tamamlayıb. Aktrisa laboratoriyada yetişdirilmiş 150 karatdan çox brilyantla hazırlanmış ağ qızıldan 400 min dollar dəyərində "Galaxy” boyunbağı taxıb.
Mur həmçinin 9,5 karatlıq ağ qızıldan hazırlanan və dəyəri 20 min dollar olan "Galaxy” üzükdən istifadə edib. Aktrisa görünüşünü sivri burunlu qara ayaqqabılarla tamamlayıb. Onun obrazı uzun illərdir birlikdə çalışdığı stilist Bred Qoreski (Brad Goreski) tərəfindən hazırlanıb.
Demi Murun 2026-cı il Kann Film Festivalındakı çıxışları "Gucci”nin 2027 kurort kolleksiyasından təqdim olunan görünüşlərdən tutmuş "Nina Ricci” dizaynlarınadək müxtəlif diqqətçəkən moda seçimləri ilə yadda qalıb.
2026-cı il Kann Film Festivalı mayın 12-də başlayıb və şənbə günü başa çatacaq. Festivalın 79-cu buraxılışında Sandra Hüllerin (Sandra Hüller) rol aldığı "Fatherland”, Kristen Stüartın (Kristen Stewart) çəkildiyi "Full Phil” və rejissor Ceyms Qreyin (James Gray) "Paper Tiger” filmləri nümayiş olunacaq. Demi Mur, Rut Neqqa (Ruth Negga) və rejissor Pak Çan-vuk (Park Chan-wook) festivalın münsiflər heyətində yer alırlar.
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər