Kollektiv Qərbdən Rusiyaya daha bir zərbə (ŞƏRH)

Qeyd edək ki, Avropa İttifaqı ölkələri də Rusiya neftinin yuxarı qiymət həddinin 60 dollar səviyyəsində müəyyən edilməsi barədə razılığa gəliblər. Hazırda bir barel neftin dünya bazarında qiyməti 80-90 dollar arasında dəyişir. 

Kollektiv Qərbin atdığı bu addım neftin qiymətinə necə təsir edəcək? Qaynarinfo-ya açıqlamasında neft-qaz məsələləri üzrə ekspert İlham Şaban qeyd edib ki, dekabrın 5-dən sonra məsələ  tam bəlli olacaq:

 

"Əlbəttə ki, Qərbin Rusiya neftinə münasibətdə 60 dollarlıq hədd müəyyənləşdirməsi neftin bazar qiymətinə təsir göstərəcək. Ancaq bunu birjaların reaksiyası fonunda bazar ertəsi biləcəyik. Şənbə günü və bazar ertəsi səhər bununla bağlı bir sıra ölkələrin bazara təsir edəcək şəxslərin açıqlamalarının olacağını düşünürəm. Hər halda, Qərbin razılaşdırdığı bu addımın bazarda ilkin qəbulu emmosional olacaq. İstənilən halda, kollektiv Qərb tərəfindəna atılan addımlar neftin qiymətinin ucuzlaşmasına yönəlib. Əks təqdirdə, bu gün bazarda həftə ərzində 80-90 dollar səviyyəsində ticarət dövriyyəsini deyil, 120-130 dollar arasındakı rəqəmi görərdik. Dekabrın 5-də OPEK+ çərçivəsində də növbəti görüş olacaq. Həmin görüşdən çıxacaq qərarların da bazara ciddi təsiri olacaq. Yəni iki hadisə bir-birinin üstünə düşdüyündən neftin qiymət əmsalında hansı amilin digərini üstələyəcəyini indidən söyləmək çətindir. Çünki hər ikisi çox vacib addımdır. Ancaq istənilən halda, qiymətlərin 90 dollardan aşağı həddini müşahidə etməkdəyik”.