Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Alimlər sarımsağın yeni müalicəvi xüsusiyyətini tapdı: Təzyiqi necə aşağı salır?
Sarımsaq uzun illərdir ürək və damarlar üçün ən faydalı məhsullardan biri hesab olunur. Müasir tədqiqatlar göstərir ki, xüsusilə hipertoniya xəstələrində qan təzyiqinin aşağı salınmasına kömək edə bilər. Lakin mütəxəssislər xəbərdarlıq edirlər ki, sarımsağın həddindən artıq qəbulu orqanizmə mənfi təsir göstərə bilər.
Qaynarinfo xəbər verir ki, "Verywell Health” ekspertlərinin məlumatına görə, əsas təsir sarımsaq doğrandıqda yaranan allisin adlı aktiv maddə ilə bağlıdır. Bu maddə orqanizmə daxil olduqda damarların boşalmasına və genişlənməsinə kömək edir. Nəticədə qan dövranı yaxşılaşır və təzyiq tədricən azalır.
Bununla yanaşı, sarımsaq iltihabı və oksidləşdirici stressi azaldır, damarları zədələnmədən qoruyur və onların elastikliyini saxlayır.
Alimlərin sözlərinə görə, sarımsağın ürəyə təsiri bəzi hallarda standart təzyiq dərmanlarının təsiri ilə müqayisə oluna bilər. "MDPI” Rəqəmsal Nəşrlər İnstitutunun icmalında qeyd edilir ki, sarımsaq əlavələri təzyiqi azaltmağa kömək edir və bəzi dərmanlarla müqayisədə daha az yan təsir riski yaradır.
Araşdırmalarda müxtəlif sarımsaq formalarından istifadə olunub: təzə sarımsaq, toz, yağ və saxlanılmış ekstrakt. "Spandidos Publications” tədqiqatına əsasən, ən nəzərəçarpan nəticələr əsasən saxlanılmış sarımsaq ekstraktında müşahidə olunub. Effektiv doza gündə 400–2400 milliqram arasında dəyişib.
Bununla belə, alimlər vurğulayırlar ki, nəticələr hələ də tam birmənalı deyil və sarımsaq müstəqil müalicə vasitəsi kimi qəbul edilməməlidir.
Sarımsaq hansı miqdarda qəbul edilməlidir?
Əksər insanlar üçün sarımsaq əlavələri təlimata uyğun istifadə edildikdə təhlükəsiz hesab olunur. Lakin bəzi hallarda qarın ağrısı, mədə yanması, ürəkbulanma, ishal, gəyirmə və ağızdan və ya bədəndən kəskin qoxu kimi yan təsirlər yarana bilər. Bu barədə "FARE” təşkilatının açıqlamasında qeyd olunur.
Yan təsirlər güclü olarsa, istifadənin dayandırılması və həkimə müraciət edilməsi tövsiyə olunur.
Sarımsağa allergiyası olan şəxslər, mədə-bağırsaq xəstəliklərindən əziyyət çəkənlər, həmçinin qan durulaşdırıcı və ya təzyiq dərmanları qəbul edənlər xüsusilə ehtiyatlı olmalıdır. Sarımsaq bu preparatların təsirini gücləndirə və qanaxma riskini artıra bilər.
Məhz buna görə sarımsaq əməliyyatlardan əvvəl də tövsiyə edilmir.
Mütəxəssislər qeyd edirlər ki, sarımsağın orqanizmə təsirini nəzərə alaraq, onu düzgün şəkildə qida rasionuna əlavə etmək faydalı ola bilər. Həkim məsləhəti ilə bəzi hallarda müəyyən dərmanlara ehtiyacın azalmasına da kömək edə bilər.
Aydın
Oxşar xəbərlər
Nəm salfetlər niyə tez quruyur?
Sağlamlıq
20.05.2026
Yundan istifadə sümükləri bərpa edirmiş
Sağlamlıq
22.05.2026
Selülitlə mübarizədə faydasız üsullar
Sağlamlıq
20.05.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər