Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
ABŞ-ı geridə qoydu: Çin gizli şəkildə J-20 gizli qırıcı donanması yaratdı
Çin hərbi istehsalın tempini əhəmiyyətli dərəcədə sürətləndirərək 250-dən çox "Chengdu J-20” görünməz qırıcısı istehsal edib.
Qaynarinfo xəbər verir ki, bu barədə "WION” nəşri məlumat yayıb.
Beləliklə, ölkə rəsmi olaraq ABŞ-ın 187 ədəd "F-22 Raptor” təyyarəsi üzrə göstəricisini geridə qoyub. ABŞ həmin qırıcıların istehsalını hələ 2011-ci ildə dayandırmışdı. Mövcud məlumatlara görə, Çin bu nəticəyə zavodların modernləşdirilməsi hesabına nail olub. Xüsusilə, "Chengdu” aviasiya sənayesi qrupu qabaqcıl "pulsasiya edən” konveyer sistemlərini tətbiq edib.
"Bu avtomatlaşdırılmış fasiləsiz istehsal üsulu hazırlıq müddətini azaldıb və Çinə hər il 100-ə qədər yeni görünməz qırıcı gövdəsi istehsal etməyə imkan verib”, deyə nəşr qeyd edir.
Bu prosesdə xarici texnologiyalardan imtina mühüm rol oynayıb. Əvvəllər "J-20” qırıcıları Rusiyanın "AL-31” mühərriklərindən asılı olduğundan istehsal prosesi ləngiyirdi. Lakin analitiklərin fikrincə, Pekin özünün "WS-10C” mühərrikinin kütləvi istehsalına başlayaraq bu problemi həll edib.
Ən yeni partiyalar isə artıq daha güclü "WS-15” mühərrikləri ilə təchiz olunur. Bu mühərriklər təyyarəyə "superkreyser” qabiliyyəti verir və ona forsaj yanacağından istifadə etmədən səsdən yüksək sürətlə uçmağa imkan yaradır.
Hazırda bu görünməz qırıcılar Çinin bütün beş regional komandanlığında yerləşdirilib. Məqalədə qeyd olunur ki, bu, Pekinə Tayvan və region dənizləri üzərində güc nümayiş etdirmək imkanı verir. ABŞ-ın çoxsaylı "F-35” təyyarələri isə əsasən zərbə funksiyalıdır və "J-20” kimi hava döyüşü üçün ixtisaslaşmış qırıcı-tutucular hesab edilmir.
Belə bir təyyarənin hər biri Çinə 100-120 milyon dollara başa gəlir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər