Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Bir AES-i neçə günəş paneli əvəz edə bilər? - Cavab alimləri təəccübləndirdi
Bir müasir nüvə reaktorunun (atom elektrik stansiyası - AES) istehsal etdiyi qədər elektrik enerjisi əldə etmək üçün təxminən 8,5–8,7 milyon günəş paneli tələb olunur.
Qaynarinfo xəbər verir ki, bu barədə BGR nəşrinin müxtəlif enerji növlərinin güc göstəricilərinə dair qiymətləndirmələrinə istinadən hazırladığı materialda deyilir.
Yaşıl energetikanın sürətli inkişafına baxmayaraq, əsas problem miqyas olaraq qalır. Atom reaktoru sutka boyu yüzlərlə meqavat enerjini sabit şəkildə istehsal edə bildiyi halda, günəş panelləri hava şəraitindən, günün vaxtından və sistemin səmərəliliyindən asılıdır.
Orta müasir nüvə reaktoru təxminən 900 meqavat elektrik enerjisi istehsal edir. Atom energetikasının səmərəlilik göstəricisi təxminən 93% səviyyəsindədir, yəni reaktor demək olar ki, daim maksimum gücə yaxın işləyir.
Müqayisə üçün, bir standart günəş paneli ideal işıqlandırma şəraitində 400–460 vat enerji istehsal edir. Lakin real effektivlik – təxminən 24% – nəzərə alındıqda faktiki güc xeyli aşağı olur.
Buna görə də eyni həcmdə elektrik enerjisi əldə etmək üçün artıq 4 milyon deyil, təxminən 8,7 milyon panel tələb olunur.
Əlavə problem isə sahədir. Böyük bir atom elektrik stansiyası təxminən 1 kvadrat mil ərazidə yerləşə bilər. Eyni gücdə günəş elektrik stansiyası isə 14 kvadrat mildən çox sahə tələb edir.
Bundan başqa, enerji toplanması sistemləri qurulmalı, şəbəkəyə stabil qoşulma təmin edilməli, mövsümi və hava dəyişiklikləri nəzərə alınmalıdır. Buna görə də yalnız günəş enerjisinə tam keçid hazırda hətta inkişaf etmiş ölkələr üçün də çətin görünür.
Bəzi ölkələr artıq alternativ həllər axtarır. Məsələn, Fransada 2023-cü ildə qəbul edilən qanuna əsasən, böyük avtomobil parklarının ən azı 50%-i günəş panelləri ilə örtülməlidir. Məqsəd "yaşıl” enerji istehsalını artırmaq, asfaltın qızmasını azaltmaq və mövcud ərazilərdən daha səmərəli istifadə etməkdir.
Bütün bunlara baxmayaraq, atom elektrik stansiyaları hələ də hava və vaxtdan asılı olmayan sabit baza enerji mənbələrindən biri olaraq qalır.
Eyni zamanda günəş enerjisinin dəyəri azalır, enerji saxlama texnologiyaları isə təkmilləşir. Buna görə ekspertlər gələcəkdə enerji sistemlərinin əsasını müxtəlif mənbələrin kombinasiyasının təşkil edəcəyini bildirirlər.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər