Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Arıqlamaq üçün gündə neçə addım atmaq lazımdır?
Arıqlayan və ya pəhriz saxlayan insanlar üçün gündəlik addım sayı çəkinin geri qayıtmasının qarşısını almaqda mühüm rol oynayır.
Qaynarinfo xəbər verir ki, Avropa Piylənmə Araşdırmaları Assosiasiyasının təqdim etdiyi tədqiqata əsasən, çəkini qorumaq üçün gündə təxminən 8500 addım gəzmək tövsiyə olunur.
Tədqiqat İtaliyanın Modena və Reggio Emilia Universiteti alimləri tərəfindən aparılıb. Araşdırmanın həmmüəllifi Marvan El Ghoch bildirib ki, artıq çəkili və ya piylənmədən əziyyət çəkən insanların təxminən 80%-i ilkin çəki itkisini əldə etdikdən sonra 3-5 il ərzində itirdikləri çəkini qismən və ya tam şəkildə geri qazanırlar.
Onun sözlərinə görə, insanların yeni çəkilərini qoruyub saxlamasına kömək edəcək strategiyanın müəyyən edilməsi böyük klinik əhəmiyyət daşıyır.
Araşdırma çərçivəsində təxminən 4 min nəfərin iştirak etdiyi müxtəlif klinik sınaqlar təhlil olunub. Həyat tərzi dəyişiklikləri proqramlarında iştirak edən 1987 nəfərə pəhrizlə yanaşı daha çox gəzmək və gündəlik addımlarını izləmək tövsiyə olunub. Bu qrup yalnız pəhriz saxlayan və ya heç bir müalicə almayan 1771 nəfərlə müqayisə edilib.
Nəticələr göstərib ki, gündəlik addım sayını orta hesabla 8454-ə çatdıran iştirakçılar bədən çəkilərinin orta hesabla 4,39%-ni, yəni təxminən 4 kiloqramını itiriblər.
Marvan El Ghoch qeyd edib ki, arıqlama mərhələsində insanların gündə təxminən 8500 addım atmağa təşviq olunması və sonrakı dövrdə də bu fiziki aktivliyi davam etdirməsi çəkini qorumaq baxımından vacibdir.
Araşdırmada vurğulanır ki, dünyada piylənmə sürətlə artır. Dünya Piylənmə Atlasının məlumatına görə, 2035-ci ilə qədər dünya əhalisinin təxminən 30%-nin piylənmədən əziyyət çəkəcəyi gözlənilir.
Mütəxəssislər bildirirlər ki, artıq çəki və piylənmə təkcə fiziki sağlamlığa deyil, həm də psixoloji vəziyyətə ciddi təsir göstərir. Bu problem həm səhiyyə sistemlərinə böyük maliyyə yükü yaradır, həm də əlillik və erkən ölüm riskini artırır.
Son tədqiqatlara əsasən, piylənmədən əziyyət çəkən insanlarda ağır infeksiyalara yoluxma riski 70% daha yüksəkdir. Qlobal miqyasda hər onuncu yoluxucu xəstəlikdən ölüm halının isə piylənmə ilə əlaqəli olduğu bildirilir.
Ümumdünya Səhiyyə Təşkilatı Avropada yetkinlər arasında piylənmənin artımını 2025-ci ilə qədər 2010-cu il səviyyəsində saxlamağı hədəfləsə də, indiyədək heç bir Avropa ölkəsi bu məqsədə nail ola bilməyib. Statistikaya görə, 1975-ci ildən bəri Avropada piylənmə göstəricisi 138% artıb.
2022–2030-cu illəri əhatə edən Yoluxucu Olmayan Xəstəliklərlə Mübarizə Fəaliyyət Planında isə 2030-cu ilə qədər orta bədən kütlə indeksinin 30% azaldılması və uşaqlarda piylənmənin qarşısının alınması əsas hədəflərdən biri kimi göstərilib.
Günay
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər