Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Tramp Lesoto Krallığını niyə hədəfə aldı?
ABŞ prezidenti Donald Tramp Afrika qitəsində ən yüksək gömrük tarifini Lesoto Krallığına tətbiq edib.
Qaynarinfo xəbər verir ki, Trampın qərarına əsasən, Lesoto ABŞ-a ixrac etdiyi bütün məhsullarda 50%-lik gömrük tarifinə məruz qalacaq. Bununla da ölkə ABŞ-ın qarşılıqlı tariflər tətbiq etdiyi 185 ölkə arasında ən yüksək rüsum dərəcəsinə tabe olan dövlət olub.
Təxminən 2,5 milyon əhalisi olan Lesoto 2,1 milyard dollarlıq ümumi daxili məhsulu (ÜDM) ilə həm Afrika qitəsinin, həm də dünyanın ən kasıb ölkələrindən biri hesab edilir. İqtisadi məlumat platforması "OEC"nin məlumatına görə, 2023-cü ildə Lesoto ABŞ-a 228 milyon dollarlıq ixrac həyata keçirib, ölkədən idxalı isə 8 milyon dollardan az olub.
Xarici ticarətinin 80%-dən çoxunu yeganə qonşusu olan Cənubi Afrika Respublikası ilə həyata keçirən Lesoto üçün ABŞ-a ixrac, ölkənin ÜDM-sinin 10%-dən çoxunu təşkil edir. Lesoto hazırda ABŞ-dan gələn mallara 99%-lik gömrük rüsumu tətbiq edir.
Ekspertlər hesab edirlər ki, ABŞ-ın yeni 50%-lik gömrük rüsumu Lesoto iqtisadiyyatına ciddi zərbə vura bilər.
Tramp ötən ay ABŞ Beynəlxalq İnkişaf Agentliyi ("USAID") tərəfindən maliyyələşdirilən xarici yardımlarla bağlı açıqlamasında, 8 milyon dollarlıq yardım alan Lesotonu "heç kimin adını belə eşitmədiyi bir ölkə" kimi xarakterizə etmişdi.
Afrikanın ən kasıb ölkələrindən biri olan Madagaskar isə 47%-lik gömrük tarifi ilə ABŞ-ın qitədə ən yüksək tarif tətbiq etdiyi ikinci ölkə olub. Madaqaskarı ardıcıl olaraq 40%-lik rüsum tətbiq edilən Moris və 37%-lik tarifə məruz qalan Botsvana izləyib.
Son aylarda mübahisəli torpaq müsadirə qanunu və "ağdərililərə qarşı təzyiq" iddiaları səbəbindən Tramp administrasiyasının sanksiya və təzyiqləri ilə üzləşən Cənubi Afrika Respublikasına isə 30%-lik gömrük tarifi tətbiq edilib.
Aydın
Oxşar xəbərlər
Tramp Lesoto Krallığını niyə hədəfə aldı?
Dünya
04.04.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər