Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
ABŞ prezidenti öz iqtisadi siyasətində korrektələr apara bilərmi? (ŞƏRH)
"Nə olur-olsun, Tramp hazırda apardığı xətti davam etdirəcək və rüsum məsələsində geri çəkilməyəcək”.
Qaynarinfo-ya açıqlamasında bunu siyasi şərhçi Arif Əliyev BVF rəhbəri və tanınmış iqtisadçıların Trampın rüsum siyasətinin dünyanı risklə üz-üzə qoyacağı barədə xəbərdarlıqlarının ABŞ prezidentini öz iqtisadi siyasətində korrektələr aparmağa vadar edib-etməyəcəyi sualına cavabında deyib:
"Bu, Trampın siyasətindən irəli gələn bir məsələdir, sadəcə, taktiki gediş deyil. Ona görə düşünürəm ki, Tramp hazırda apardığı xətti davam etdirəcək. O hesab edir ki, bu xətt doğru yoldur. Birinci prezidentliyi dövründə də faktiki olaraq eyni xətlə gedirdi”.
Ekspertin fikrincə, Trampın bütövlükdə yanaşma tərzi əməkdaşlığa yox, qarşıdurmaya yönəlib:
"O, hətta "razılıq”, "razılaşma” sözlərini də leksikonundan çıxarıb. Odur ki, Trampın gömrük rüsumları tətbiq etmək siyasətindən geri çəkiləcəyini gözləmirəm. O, hələ prosesləri silkələməkdə davam edəcək”.
Həmsöhbətimiz qeyd edir ki, dünya əvvəl-axır bu "dar boğaz”dan keçməli və başqa versiyalar, başqa düzən formaları axtarıb tapmalı idi:
"Yəni "pis olmasaydı, yaxşı da olmazdı” məsəli kimi, yəqin ki, dünya belə bir krizisdən keçməlidir ki, Trampın düşüncə tərzi də bir qədər dəyişsin”.
A. Əliyevin fikrincə, burada çıxış yolu tapmağa maneə olan başlıca məsələ odur ki, tək Tramp yox, artıq dünyanın digər hissələrində də bütövlükdə yanaşma tərzi qarşıdurma tərzinə keçib:
"Sanki əməkdaşlığa yer yoxdur. Tərəflər bir-birinə təzyiq, hədə-qorxu gəlir. Bu isə daha böyük təhlükədir, nəinki Trampın bu sayaq ayrı-ayrı qərarları”.
Qeyd edək ki, Beynəlxalq Valyuta Fondunun (BVF) rəhbəri Kristalina Georgiyeva ABŞ prezidentinin gömrük rüsumları tətbiq etməklə bağlı addımlarının dünya iqtisadiyyatını risklərlə üz-üzə qoyacağı barədə xəbərdarlıqla çıxış edib.
O bildirib ki, bu addım iqtisadiyyatın zəif inkişafı dövründə qlobal perspektivdə açıq şəkildə əhəmiyyətli risk yaradır.
Xatırladaq ki, Trampın çoxsaylı ölkələrə gömrük rüsumları tətbiq etməsi fonunda iqtisadiyyatda ciddi sarsıntılar baş verib. Neftin qiyməti, dollar ucuzlaşıb.
Beləliklə, görünən odur ki, dünyanın bütün ciddi qurumlarının rəhbərləri, tanınmış iqtisadçılar Trampın vergi rüsumlarının dünya iqtisadiyyatı üçün ciddi risk olacağını deyir.
Rüfət Sultan
Oxşar xəbərlər
Tramp Lesoto Krallığını niyə hədəfə aldı?
Dünya
04.04.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər