Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Qızılın qiyməti kəskin düşəcək? - İqtisadçı ekspertin şərhi
"Qızılın qiymətinin bundan sonra kəskin düşəcəyini gözləmirəm. Ona görə ki, qızıl hazırda qeyri-müəyyənlik dövründə ehtiyat aktivi hesab olunur".
Bunu Qaynarinfo-ya açıqlamasında iqtisadçı ekspert Xalid Kərimli dünya bazarında qızılın qiymətinin enməsinə münasibət bildirərkən deyib.
Ekspert bildirib ki, qiymətlərin düşməsi investorların pullarını nağdlaşdırma fonunda baş verib:
"Qızıl bu ildən etibarlı investisiya aləti hesab olunur, ona görə də onun qiymətinin kəskin düşməsinə inanmıram. Qızılın qiyməti həddən artıq yüksəlmişdi. Çünkü son həftələrdə baş verən proseslər ilin əvvəlində nəzərdə tutulan senari deyil. Ona görə də reytinq agentlikləri proqnozlarına yenidən baxacaq".
Xalid Kərimlinin sözlərinə görə, qızılın bundan sonra da artım potensialı var:
"Amma məsələ burasındadır ki, birjalar kəskin düşür, bir sıra iri şirkətlər dəyər itirir. İndi investorlar fikirləşir ki, proses davamlı deyil, bir müddətdən sonra yüksəlmə baş verə bilər. Odur ki, investorlar böhran vaxtı "nağd pul kraldır” deyimini öndə tuturlar".
Ekspert gümüşün qiymətinin daha çox düşməsinə də münasibət bildirib:
"Çünki gümüş həm də sənaye əhəmiyyətlidir. Gümüş həm yığım vasitəsidir, amma eyni zamanda da sənayedə geniş istifadə olunur. Sənayedə düşmə olmanda gümüşün qiyməti daha sürətlə enir".
Qeyd edək ki, ötən gün əmtəə bazarlarında qızılın bir troya unsiyası (31,1 qram) üzrə fyuçerslərin qiyməti 86 dollar ucuzlaşıb. Nyu Yorkun COMEX əmtəə birjasında qızılın bir troya unsiyası üzrə iyun fyuçerslərinin qiyməti 2,76% azalaraq 3,035.40 ABŞ dollarına enib. Qızılın əvvəlki qiyməti isə 3 125,6 dollar təşkil etmişdi. Qızılın spot qiyməti isə unsiya üzrə 77,1 dollar və ya 2,47% azalaraq 3,038.24 dollara enib.
Bundan əlavə gümüşün bir unsiyası üzrə may fyuçerslərinin qiyməti isə 8,57% və ya 2,74 dollar azalaraq 29.23 ABŞ dollarına bərabər olub.
Bahar Rüstəmli
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər