Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
17:27
Şair hökmdar olanda...
ABŞ üçün təhlükənin əsas mənbəyi ölkə xaricindəki struktur balanssızlıqlardadır – Ağ Ev
ABŞ Prezidenti Donald Tramp ölkənin suverenliyini qorumaq, milli və iqtisadi təhlükəsizliyi gücləndirmək məqsədilə ölkədə fövqəladə vəziyyət elan edib.
Qaynarinfo xəbər verir ki, müvafiq məlumat Ağ Evin saytında dərc olunub.
"Sabit ticarət əlaqələrinin olmaması, müxtəlif tarif dərəcələri və qeyri-tarif maneələri, eləcə də ABŞ-ın ticarət tərəfdaşlarının daxili əməkhaqqını və istehlakı boğan iqtisadi siyasəti — bunu ABŞ-ın böyük və daimi xarici ticarət kəsiri də sübut edir — milli təhlükəsizliyə və iqtisadiyyata qeyri-adi və fövqəladə təhlükə yaradır”, – sənəddə qeyd olunur.
Bildirilir ki, ABŞ üçün təhlükənin əsas mənbəyi ölkə xaricində, "əsas ticarət tərəfdaşlarının daxili iqtisadi siyasətində və dünya ticarət sistemindəki struktur balanssızlıqlardadır”. Tramp bu təhlükə ilə əlaqədar ABŞ-da fövqəladə vəziyyət elan etdiyini bildirib.
CNN-in məlumatına görə, ABŞ 2024-cü ildə 1,2 trilyon dollar dəyərində idxal üstünlüyü ilə ticarət kəsiri verib ki, bu da rekord göstəricidir.
Bununla belə, iqtisadçılar bildirirlər ki, xarici ticarət kəsiri ABŞ-ın ticarət tərəfdaşları ilə iqtisadi qarşılıqlı əlaqəsinin tam mənzərəsini əks etdirmir. Məsələn, keçən il Amerika tarixdə ən yüksək göstərici olmaqla 1,1 trilyon dollarlıq xidmət ixrac edib.
Bundan əlavə, ticarət kəsiri kapital ixracı və maliyyə hesabları ilə kompensasiya olunur. Bunlara xarici aktivlər üzrə əməliyyatlar və beynəlxalq borcların silinməsi daxildir.
Xatıaladaq ki, ABŞ Prezidenti Donald Tramp digər ölkələrdən idxal edilən mallara misilsiz rüsumlar tətbiq edildiyini elan edib. Belə ki, ABŞ-a idxal olunacaq bütün xarici istehsal avtomobillərə və ehtiyat hissələrinə 25%-lik rüsum tətbiq olunacaq. Avtomobillərə qoyulan rüsumlar artıq 3 apreldən, ehtiyat hissələri üçün isə bir qədər gec qüvvəyə minəcək.
Çindən gətirilən mallara 34%, Aİ ölkələrindən 20%, İsveçrədən isə 31% rüsum tətbiq olunacaq. ABŞ-ın digər ölkələrə tətbiq etdiyi minimum rüsum 10% təşkil edəcək.
Avropa Komissiyasının rəhbəri Ursula fon der Lyayen isə bildirib ki, Avropa ABŞ-ın sərt ticarət rüsumlarına cavab verməyə hazırdır.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər