ABŞ prezidenti Donald Tramp ölkəyə xaricdən idxal edilən mallara qarşı "qarşılıqlı tariflər" tətbiq etdiyini elan edib. Tam siyahı onun rəsmi Twitter hesabında dərc

pic.twitter.com/v5WMU5wofc

— Rapid Response 47 (@RapidResponse47) April 2, 2025 " target="_blank">olunub.

Qaynarinfo xəbər verir ki, rüsumlar siyahısında Rusiya yoxdur.

Kanada və Meksika da qarşılıqlı rüsumlardan azad edilib.

ABŞ-ın maliyyə naziri Bessent Fox News-a verdiyi müsahibədə bildirib ki, Rusiya bu siyahıya daxil edilməyib, çünki "Birləşmiş Ştatlar Rusiya ilə ticarət aparmır". Onun sözlərinə görə, hazırda Rusiyaya qarşı ABŞ-ın sanksiyaları qüvvədədir.

Tramp administrasiyasının məlumatına əsasən, qarşılıqlı tariflər 9 apreldə qüvvəyə minəcək, minimal əsas tarif isə bütün ölkələr üçün 5 apreldən tətbiq olunacaq.

Respublikaçının sözlərinə görə, ABŞ-a istənilən malın idxalına görə baza tarif 10% təşkil edəcək, lakin bir çox ölkələr üçün bu rüsum daha yüksəkdir.

Çin mallarına – 34%

Aİ ölkələrindən – 20%

İsveçrədən – 31%

Böyük Britaniyadan – 10%

İsraildən – 17%

Qazaxıstandan – 27%

Vyetnamdan – 46%

Kambocadan – 49%

Laosdan – 48%

Tramp bunu "dünyadakı ölkələr üçün qarşılıqlı rüsumlar müəyyən edən tarixi fərman" adlandırıb:

"Mən başqa ölkələri günahlandırmıram. Əvvəlki ABŞ prezidentlərini günahlandırıram ki, bu fəlakətli disbalansa yol veriblər. Biz onların büdcə kəsirlərini ödəyir, ordularına pul ayırır və bütün dünya üçün qayğı çəkirdik. Bu, artıq sona çatır".

pic.twitter.com/v5WMU5wofc
— Rapid Response 47 (@RapidResponse47) April 2, 2025

Eyni zamanda ABŞ administrasiyası aprelin 3-dən idxal edilən bütün avtomobillərə 25% rüsum, Ukraynadan idxala 10% həcmində cavab gömrük rüsumları tətbiq edəcək.

"Kanada, Meksika və bir çox başqa ölkələrin kəsirlərini ödəyə bilmirik. Biz bunu əvvəllər etmişdik, amma artıq ödəyə bilmirik. Biz bütün dünya ölkələrinin qayğısına qalırıq. Biz onların hərbi xərclərini ödəyirik. Onların ödəməli olduğu hər şeyin əvəzini ödəyirik. Şimali Amerika Azad Ticarət Sazişi (NAFTA) indiyə qədər müzakirə edilən ən pis razılaşma idi.Sazişin qüvvəyə mindiyi vaxtdan bəri ABŞ 90 minə yaxın müəssisəsini itirib".

Tariflərin tətbiq olunduğu ölkələr arasında Azərbaycan da var. Belə ki, ölkəmiz üçün minimal 10 % həcmində gömrük rüsumu müəyyən edilib.

Qeyd edək ki, bundan əvvəl Aİ ABŞ-ın rüsumlarına cavab vermək üçün "geniş spektrli variantlardan" istifadə edəcəyini bildirib.

"Zərurət yaranarsa, bizim etibarlı cavab tədbirlərimiz var və biz onları tətbiq edəcəyik", – deyə Avropa Komissiyasının rəhbəri Ursula fon der Lyayen bildirib. Lakin o vurğulayıb ki, Avropa İttifaqı mütləq cavab tədbirləri görmək istəmir, məqsəd "danışıqlar yolu ilə həll" tapmaqdır.

Onun sözlərinə görə, Avropanın gücü təkcə ticarətdə deyil, həm də texnologiyada özünü göstərir və Avropa biznesi ABŞ-ın texnologiya şirkətləri üçün vacibdir. Avropa Komissiyası dövlət müqavilələrinə çıxışın məhdudlaşdırılması və ya rəqəmsal reklam satışlarının tənzimlənməsi kimi hüquqi alətlərdən istifadə edə bilər.

Bloomberg-in yazdığına görə, Aİ ABŞ mallarına qarşı 26 milyard avro dəyərində cavab tədbirləri hazırlayır.

Alpər