Səhər yeməyində etdiyimiz səhvlər yalnız günün ilk saatlarını deyil, günün sonrakı vaxtlarımızda da yemək vərdişlərimizi də təsir edir. Mütəxəssislər bildirirlər ki, ne yediyimiz qədər nə vaxt yediyimiz də çox önəmlidir.

Qaynarinfo xəbər verir ki, bir çox insan axşam yeməklərində dəyişiklik etməyə diqqət etsə də, səhər yeməyində isə rutinlərə bağlı qalır: hər gün eyni qranola və ya tost yeyir, bəziləri isə səhər yeməyindən tamamilə imtina edir.

Ekspertlər bildirirlər ki, səhər yeməyində edilən tək bir səhv il ərzində 365 dəfə təkrarlanarsa, bu, bağırsaq sağlamlığı və qan şəkəri balansına ciddi mənfi təsir göstərə bilər.

Səhər yeməyi nə vaxt və necə olmalıdır?

Kolorektal cərrah Dr. Ceyms Kinross (Imperial College London) qeyd edir ki, bağırsaqdakı mikroorqanizmlərin öz ritmləri var və nə vaxt nə yediyimiz bu ritmi formalaşdırır. Səhər yeməyi uzun aclıqdan sonra mikrobiotaya ilk toxunan qida olduğundan metabolizmin düzgün işləməsi üçün zamanlama vacibdir.

Dr. Kinross əlavə edir ki, kilo vermək və qan şəkərini idarə etmək üçün bağırsaq mikrobiotasının bədən saatımızla uyğunlaşması lazımdır. Səhər yeməyindən imtina, günün digər yeməklərinin həzminə də təsir göstərir. Araşdırmalar göstərir ki, səhər yeməyi edənlərin günorta yeməyindən sonra qan şəkəri daha yaxşı idarə olunur. Səhər yeməyini atlayanlarda isə günün sonrakı saatlarında həddindən artıq yemək ehtimalı yüksəlir.

Məşqçii Dalton Vong isə bildirir ki, səhər yeməyi edilmədikdə, insanlar daha çox yeyirlər. "Fitness hədəflərinizə çatmaq üçün səhər yeməyi vacibdir və bunu günlük kalori hesabınıza daxil etməlisiniz", – deyir.

Qidalanma üzrə ekspert Cenna Hope isə səhər yeməyinin qadınlarda hormon balansı üçün kritik olduğunu vurğulayır. O, ac qarına içilən kofenin ani kortizol artımına səbəb olduğunu və içkini qəbul etməzdən əvvəl bir şeylər yeməyin kafeinin təsirini yavaşlatdığını bildirir.

Səhər yeməyində nələr olmalıdır?

Uğurlu bir səhər yeməyi əsasən iki komponentdən ibarət olmalıdır:

Protein (20–30 q) – enerji verir və qan şəkəri dalğalanmalarını önləyir

Lif (ən az 8 q) – yaxşı bakteriyaları qidalandırır və həzmi tənzimləyir

Şəkərli hazır qidalar və yulaflardan qaçınmaq tövsiyə olunur. Daha yaxşı seçimlər: tam buğda çörəyində çırpılmış yumurta və ya meyvə və yulaflı yoğurtdur.

Hope qeyd edir ki, səhər yeməyi gündəlik kalori qəbulunun təxminən beşdə birini təşkil etməlidir; orta yaşlı bir qadın üçün bu, təxminən 400 kalori deməkdir. Dr. Kinross əlavə edir ki, karbohidrat və doymamış yağlar, tam meyvələr, taxıllar və qoz-fındıq kimi sağlam yağ mənbələri də səhər yeməyində olmalıdır.

Səhər yeməyinin vaxtı

Dr. Kinrossa görə, səhər yeməyi o yuxudan 2 saat içində edilməlidir. Ən az 12 saatlıq gecə açlığından sonra səhərin erkən saatlarında yemək tövsiyə olunur. Əgər səhər yeməyini günün sonrakı saatlarına saxlasanız, metabolizm və sirkadiyen ritm uyğunsuzluğu yarana bilər.

Ekspertlər həmçinin bildirirlər ki, axşam yeməyini 19:00–20:00 aralıqlarında bitirmək, səhər yeməyini daha səmərəli və uyğun zamana yerləşdirməyə kömək edir.

Səhər enerjisi üçün məsləhətlər

Səhər yuxudan oyandıqda enerjisiz hiss edənlər üçün kofe cəlbedici olsa da, onu yeməklə birlikdə qəbul etmək daha faydalıdır

Şəkərli qidalardan qaçmaq lazımdır, duzlu və proteinli səhər yeməyi enerjini sabit saxlayır

Əgər gününüz uzun və gərgin keçəcəksə, səhər yeməyini bir saat, bəzən saat yarım gecikdirmək günorta yeməyinə qədər tox qalmanıza kömək edir.

Nəticə olaraq, ne yediyiniz və nə vaxt yediyiniz, səhər rutininizə uyğunlaşdırılmalıdır. Bu qaydalara əməl etməklə bağırsaq sağlamlığınızı qoruyar, gün ərzində həddindən artıq yeməkdən qaçınar və enerjinizi sabit saxlayarsınız.

Günay