Gündəlik həyatımızın bir parçası olan adi ev əşyaları belə ani ölüm riski yarada bilər. Bəzi təhlükələr isə tamamilə gözlənilməzdir. Budur, evinizdə sizi təhdid edən ölümcül risklər...

Qaynarinfo xəbər verir ki, insanlar tarix boyu təbiətin təhlükələrindən qorunmaq üçün şəhərlər, qəsəbələr quraraq birgə yaşayış mühitləri formalaşdırıblar. Çünki təbiətin ölümcül tələlərlə dolu olduğu məlumdur: vəhşi heyvanlar, ildırımlar, daşqınlar, zəhərli həşəratlar, ölümcül xəstəliklər yayan gəmiricilər...

Lakin pis xəbər budur ki, ölümcül risklər təkcə təbiətlə məhdudlaşmır – hətta şəhərlərin mərkəzində yerləşən lüks mənzillərdə də təhlükələr mövcuddur.

Evinizdə sizi gözləyən ölümcül təhlükələr

Masaj cihazları

Masaj cihazlarının yaratdığı güclü vibrasiyalar boyunun həssas hissələrinə zərər verə bilər və nadir hallarda yumşaq toxuma zədələnməsinə və ya iflicə bənzər simptomlara səbəb ola bilər. Mütəxəssislər bu cihazların onurğa sütunu, böyrəklər, iri qan damarları və qabırğalar ətrafında istifadə edilməməsini tövsiyə edirlər.

Vanna otağı və duş

Hər il dünyada yüz minlərlə insan vanna otağında yıxılaraq həyatını itirir və ya ağır xəsarət alır. Yaş artdıqca tarazlıq hissi və reflekslər zəiflədiyi üçün yaşlı insanlar arasında bu cür qəzalar daha çox baş verir. 2021-ci ildə təkcə ABŞ-da, vanna otağı qəzaları nəticəsində 69 min insan ölüb. Qlobal rəqəmlər dəqiq bilinməsə də, bu sayın milyonlarla insana çata biləcəyi ehtimal edilir.

Ağardıcı maddələr

Ağardıcı maddələrlə ilə təmizlik etmək ən təhlükəli üsullardan biri ola bilər. Çünki bu maddə güclü bir turşudur və sirkə kimi digər maddələrlə qarışdırıldıqda ölümcül qazlar yaradır.

Hər il dünyada minlərlə insan ağardıcı maddələrlə zəhərlənməsi səbəbilə xəstəxanaya düşür və bəzi hallarda həyatını itirir.

Həyati təhlükə yaradan digər risklər

"Reddit" platformasında aparılan kiçik bir sorğuya əsasən, gündəlik həyatda ölümcül risk yaradan təhdidlər aşağıdakı kimidir:

* Masaj cihazları

* Yol-nəqliyyat mübahisələri

* Duşda yıxılma

* Zəhərli tüstü və qazların nəfəsə daxil olması

* Ağardıcı maddələrin sirkə və digər kimyəvi maddələrlə qarışdırılması

* Elektrik cərəyanı vurması

* Qan laxtalanması (tromb)

* Zərərli qazlar və uçucu maddələr

* Dərələr, çaylar və daşqınlar

* Binalardakı struktur gərginliyi

* Hündürlükdən yıxılma

* Yolda səpələnmiş dağıntılar

* Kanalizasiya və drenaj quyularına düşmə

* Qapalı məkanda ilişib qalma

* Vəhşi heyvan hücumu

* Yarı qoşqulu yük maşınları

* Paslı metal və alətlər

Bu təhlükələr gündəlik həyatımızda gözardı etdiyimiz, lakin ciddi nəticələr doğura biləcək risklərdir. Dəqiq diqqət və ehtiyat tədbirləri görməklə, bu risklərin qarşısını almaq mümkündür.

Aydın