Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
AQTA-nın "sarı boya" əməliyyatı: Fermerləri cəzalandırmalı, yoxsa kömək etməli?
"İstehlakçılar bilməlidir ki, toyuqlar üç cür yetişdirilir. Biri, sərbəst toyuqlardır, səhər tezdən həyətə buraxırlar, axşama kimi gəzirlər. İkincisi, yarı sərbəst toyuqlardır, bunlar əksər hallarda açıq havada saxlanılır, bəzi hallarda xüsusi yemlərlə bəslənilir. Üçüncüsü isə broler toyuqlarıdır ki, bunlar qapalı mühitdə bəslənilir".
Bunu Qaynarinfo-ya açıqlamasında Azad İstehlakçılar Birliyinin sədri Eyyub Hüseynov Xırdalanda rəngləmiş toyuqların "Kənd toyuğu" adı ilə satılması məlumatına aydınlıq gətirərkən deyib.
Sədrin sözlərinə görə, bu gün əksər ailələr kənd toyuqlarına üstünlük verir:
"Kənd toyuqlarının ayaqları sarı rəngdə olur. Toyuq saxlayan fermerlər təbiətin verdiyi özəllikdən istifadə edirlər. Həmin toyuqların ayaqları sarı olmur, sonradan boyayırlar. Çox yaxşı haldır ki, AQTA bu halı ifşa edib. Bu toyuqlar istehlakçının diqqətini cəlb etmək üçün ayaqları üstə satılır".
Sədr Qida Təhlükəsizliyi Agentliyinin apardığı işi zəruri hesab edir:
"Lakin kafi deyil. Ona görə ki, xüsusən Bakı ətrafı yerlərdə bu cür yarıazad toyuqlar saxlanılır və kəsilir. Azad İstehlakçılar Birliyi çalışır ki, onların yerini müəyyən etsin və Qida Təhlükəsizliyi Agentliyinə məlumat versin. Biz bununla bağlı müəyyən işlər aparırıq ki, onların koordinatlarını müəyyən edək. Qida zəncirinin istəlinən mərhələsi ilə məşğul olan insanlar mütləq AQTA-da qeydiyyata durmalıdır. AQTA onlara müəyyən yardımlar göstərməlidir".
Eyyub Hüseynov belə kiçik fermer təsərrüfatların bağlanmasının tərəfdarı olmadığını əlavə edib:
"Bu cür radikal addımların atılmasına qarşıyıq. Onlara köməklik göstərməliyik ki, ayaq üstə dura bilsinlər və ölkədə ərzaq təhlükəsizliyi təmin olunsun. AQTA yəqin ki, bunu nəzərə alar. Təkcə bağlamaq deyil, həm də kömək etmək lazımdır ki, başlanmış biznes qanunlara uyğun irəliləsin. İstehlakçılar bu cür qeyri-qanuni fəaliyyət göstərən yerlər gördükdə qaynar xətt vasitəsi ilə AQTA-ya məlumat versinlər".
Xatırladaq ki, Qida Təhlükəsizliyi Agentliyi Xırdalanda "kənd toyuğu" adı altında toyuqların Tartrazin (E102) qida əlavəsindən istifadə edilərək sarı rəngə boyadıldığını aşkarlayıb. Tartrazin (E102) dərman və kosmetik vasitələrdə, eləcə də bəzi qida məhsullarında istifadə olunan sintetik sarı boyadır, insanlarda həssaslıq və allergiya kimi yan təsirlərə malikdir.
Bahar Rüstəmli
Oxşar xəbərlər
Dələduzluq etdi, aministiyaya düşdü
Ölkə
07.01.2026
Azərbaycan–Suriya İşgüzar Şurası yaradılacaq
Ölkə
07.01.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər