Ştaynmayerin ölkəmizə səfəri: Bakı-Berlin münasibətlərində mühüm irəliləyiş

Qaynarinfo-ya açıqlamasında bunu politoloq Taleh Əliyev Almaniya Prezidenti Frank-Valter Ştaynmayerin Azərbaycana səfərinin məqsədini şərh edərkən deyib.

Onun fikrincə, Almaniya Prezidentinin Azərbaycana səfəri regional səfər kontekstindən təhlil edilməlidir:

"Bundan öncə Ştaynmayer Ermənistana səfər edib. Almaniyada əsas hakimiyyət kanslerin əlində olsa da, ölkə prezidenti də dövlətin, xüsusən də onun xarici siyasətinin formalaşmasında mühüm füqurlardan sayılır. Səfər öncəsi Ermənistanda səfərdə olarkən Almaniya Prezidentinin səhifəsində qondarma separatçı rejiminin bayrağının paylaşılması və Azərbaycanın ona kəskin münasibət bildirməsindən sonra Ştaynmayerin katibliyi tərəfindən üzrxahlıq bildirilməsi onu göstərir ki, Berlin Bakı ilə həm işgüzar münasibətlərin inkişafı, həm də regional təhlükəsizlik kontekstində əməkdaşlıqda maraqlıdır. Bu səfər heç şübhəsiz Bakı-Berlin münasibətlərində mühüm irəliləyişlərlə yadda qalacaq bir səfər olacaq”. 

 

Qeyd edək ki, bu gün Almaniya Federativ Respublikasının Prezidenti Frank-Valter Ştaynmayer Azərbaycana səfərə gəlib. Xatırladaq ki, Ştaynmayer hələ Almaniyanın xarici işlər naziri olarkən, 2014-cü ildə də Bakıda səfərdə olmuşdu. Lakin ölkə prezidenti olaraq bu onun Azərbaycana ilk səfəridir. 

Buna qədər isə Almaniya rəsmilərindən yalnız kansler Angela Merkel 2018-ci ilin avqustun 24-də Bakıda səfərdə olub.