Rusiyanın "Roskosmos” kosmik agentliyinin rəhbəri Dimitri Roqozin şənbə günü "Rossiya 24” kanalına verdiyi müsahibədə bildirib ki, yadplanetlilər Yer sivilizasiyasını özlərini aşkara çıxartmadan da öyrənə bilirlər.

Qaynarinfo Haber Global-a istinadən xəbər verir ki, Roskosmos rəhbərinin dediyinə görə, bəşəriyyətin kosmosu öyrənmək imkanları məhduddur: "Biz Böyük Partlayış nəzəriyyəsini bilirik, amma bu "Böyük Partlayış" kainatın yalnız bizim görə biləcəyimiz müəyyən hissəsində baş veribsə, necə? Başqa yerlər, başqa həyatlar da ola bilər. Oralarda həyatın yaranmasına kömək edə biləcək çoxsaylı amillər var".

Roqozin son zamanlar ABŞ Müdafiə Nazirliyinin yaydığı görüntülər və hesabatlarla bütün dünyada böyük diqqət çəkən UNO-lara da toxunub. Bununla belə, Roqozinin sözlərinə görə, rusiyalı ekspertlər tərəfindən araşdırılan bu halların 99,9 faizinin yerdənkənar ağıllı həyat hipotezi ilə heç bir əlaqəsi yoxdur.

Bu sirli obyektlərin "hava hadisələri və digər fiziki hadisələr”dən ibarət olduğunu bildirən Roskosmos rəhbəri bu məsələ ilə bağlı daha əvvəl də NASA ilə əlaqə saxladığını və onlardan oxşar məlumat aldığını əlavə edib.

Independent Turkish-in verdiyi məlumata görə, UNO-ları yerdənkənar həyatla əlaqələndirən nəzəriyyələrdən biri yadplanetlilərin bu sirli obyektləri bəşəriyyətə casusluq etmək üçün göndərdiyini iddia edir.

Roqozin texnoloji cəhətdən inkişaf etmiş yadplanetli sivilizasiyaların insan sivilizasiyasını və Yer kürəsini öyrənə biləcəyini də iddia edib:

"Biz burada bakteriyaları öyrənə bilərik. Amma bakteriyalar kimi, bizi də başqaları öyrənə bilər".

2024-cü ilə qədər kosmosda əməkdaşlığı davam etdirəcəyik.

Roskosmos rəhbəri eyni müsahibədə Beynəlxalq Kosmik Stansiyada (BKS) əməkdaşlığın taleyi ilə bağlı da açıqlamalar verib.

1998-ci ildə istifadəyə verilmiş ISS NASA fəaliyyətini Roskosmos, Avropa Kosmik Agentliyi, Kanada və Yaponiya kosmik agentliklərinin əməkdaşlığı ilə davam etdirir. Stansiya iki əsas hissədən ibarətdir, bir tərəfi Roskosmos, digəri isə ABŞ və layihədə iştirak edən digər ölkələr tərəfindən idarə olunur.

Digər tərəfdən, fevral ayında Rusiya-Ukrayna müharibəsinin başlaması ilə kosmosda gərginlik artdı və İSS-də əməkdaşlıq təhlükə altına düşdü. Aprel ayında verdiyi açıqlamada Roqozin Rusiyaya qarşı sanksiyalar aradan qaldırılmayana qədər ISS və digər kosmik layihələrdə əməkdaşlığı davam etdirməyəcəklərini bildirib.

Yeni müsahibəsində Rusiyanın İSS ilə əlaqələrinin arxa plana keçdiyini bildirən Roqozin ölkənin ən azı 2024-cü ilə qədər əməkdaşlığı davam etdirəcəyini bəyan edib:

"Bizim hökumətin 2024-cü ilə qədər birgə işləyəcəyimiz barədə qərarı var”.

Günay