Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xırdalandakı zibil problemi həll olundu: "Bircə icra başçısı yoxdur...." (YENİLƏNİB)
Xırdalanda bir həftədir zibilliyin içində itib-batan küçə 10 dəqiqənin içində təmizlənib.
Bu barədə Qaynarinfo-ya açıqlamasında iqtisadçı ekspert Samir Əliyev məlumat verib. O bildirib ki, Abşeron rayon İcra Hakimiyyətinin bütün əməkdaşları zibili təmizləmək üçün əraziyə cəlb olunub:
"İcra hakimiyyətinin bütün işçiləri tökülüşüb gəlib. Bircə icra başçısı yoxdur. Təmizləyirlər”.
Qeyd edək ki, Xırdalandakı Heydər Əliyev parkının yaxınlığında yerləşən Zərifə Əliyeva küçəsindəki zibillik bir həftə idi ki, təmizlənmirdi. İqtisadçı ekspert Samir Əliyevin sosial səhifədə paylaşımı ilə bağlı Qaynarinfo Abşeron rayon İcra hakimiyyətinə əlaqə saxlayıb. İcra hakimiyyətindən Qaynarinfo-ya bildiriblər ki, sözü gedən ərazinin zibilliyini təmizləmək onların səlahiyyətində olan məsələ deyil. Qurum həmin ərazinin "Turan-H” MTK-ya məxsus olduğunu açıqlayıblar.
12.06
Xırdalandakı Heydər Əliyev parkının yaxınlığında yerləşən Zərifə Əliyeva küçəsi bir həftədir zibilliyin içində itib-batır.
Qaynarinfo xəbər verir ki, bu barədə iqtisadçı ekspert Samir Əliyev məlumat yayıb. O bildirib ki, küçənin zibil yığımına Abşeron rayon İcra Hakimiyyətinin nəzdindəki şirkət baxır:
"Kefləri nə vaxt istəyir, o vaxt gəlirlər. Abşeron RİH başçısının başı isə "başqa işlərə” qarışıb. Parkda gündən-günə attraksionların və ictimai iaşə obyektlərinin sayı artır. Park faktiki yaşlı insanların istirahət yerindən gənclərin qəlyan çəkmək üçün əyləncə mərkəzinə çevrilib. Abşeron İcra Hakimiyyəti zibil daşınmasını inhisara alıb, başqa şirkətləri yaxına buraxmır, özləri isə kefləri nə vaxt istəsə, o vaxt təmizlik işlərinə baxırlar”.
Ekspert vurğulayıb ki, zibilliyin bu hədə çatması xəstəlik mənbəyidir:
"Ümid edirəm ki, Abşeron İcra Hakimiyyətinin başçısı cənab Abdin Fərzəliyev birbaşa öz səlahiyyəti ilə məşğul olmağa vaxt tapacaq və öhdəliklərini yerinə yetirəcək”.
Məsələ ilə bağlı Abşeron rayon İcra Hakimiyyəti ilə əlaqə saxladıq. İcra Hakimiyyətinin Abadlıq və Kommunal Xidmətlər İdarəsinin İlham adlı əməkdaşı bildirdi ki, sözügedən ərazininin onlara aidiyatı yoxdur:
"Həmin küçə "Turana-H” MTK-ın ərazisidir. Belə ərazilərin zibillərini MTK sahibi özü daşıtdırır. İcra Hakimiyyətinə məxsus yerlərdə isə belə bir görüntü ola bilməz”.
İcra Hakimniyyətinin adını çəkdiyi MTK barəsində açıq mənbələrdə heç bir məlumat tapmaq mümkün olmadı.
Bahar Rüstəmli
Oxşar xəbərlər
Direktor işdən çıxarıldı
Ölkə
22.11.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər