Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Dünyanın ən yaşıl şəhərləri açıqlandı: Gözlənilməz liderlər var
Yeni araşdırma planetin ən ekoloji dayanıqlı şəhərlərini müəyyən edib.
Qaynarinfo xəbər verir ki, birinci yeri Kanadanın Vankuver şəhəri tutub. Siyahıda son on ildə 270-dən çox göydələn inşa edilən və daha 600-ə yaxınının tikintisi planlaşdırılan London da yer alıb.
"TimeOut" nəşrinin yazdığına görə, Böyük Britaniyanın paytaxtı London dünyanın ən dayanıqlı şəhərləri sırasına daxil edilib. İqlim həlləri üzrə ixtisaslaşan "Reinders Corporation" şirkətinin hazırladığı yeni "Green City Index"ə əsasən, London 66,85 bal toplayaraq dünyada 10-cu yeri tutub. Üstəlik, bəzi ekspertlərin fikrincə, London texniki baxımdan "meşə” hesab edilə bilər, çünki şəhər ərazisinin 1/5-dən çoxunu ağaclar təşkil edir.
Araşdırma çərçivəsində dünyanın müxtəlif şəhərləri altı əsas ekoloji meyar üzrə qiymətləndirilib:
* yaşıl zonaların keyfiyyəti
* bərpa olunan enerjidən istifadə
* hava keyfiyyəti
* ictimai nəqliyyatın inkişafı
* velosipedçilər üçün əlverişlilik
* turizm vergilərinin tətbiqi
Hər meyara şəhərin dayanıqlılığına təsirinə görə xüsusi çəki verilib və yekunda "Green City Score" hesablanıb.
Söhbət təkcə gözəl parkların mövcudluğundan getmir — şəhərin həm insanlar, həm də ətraf mühit üçün nə dərəcədə səmərəli fəaliyyət göstərdiyi qiymətləndirilib. Bal nə qədər yüksəkdirsə, ekoloji şərait də bir o qədər yaxşı sayılır.
Londonun ictimai nəqliyyatı 100 üzərindən 64,5 bal alıb. Son bir ildə velosipedlə səfərlərin 12,7% artması fonunda şəhərin "velosiped üçün əlverişlilik” göstəricisi 49,7 bal təşkil edib.
Reytinqə 101,71 bal toplayan Kanadanın Vankuver şəhəri başçılıq edir. Ümumilikdə Kanada çox güclü nəticə göstərib — ilk onluğa həmçinin Monreal (77,71) və Toronto (69,72) daxil olub.
Avropa da yüksək mövqelər tutub. Oslo (Norveç) 100,57 bal ilə ikinci, Stokholm (İsveç) isə 94,87 bal ilə üçüncü yerdə qərarlaşıb.
"Reinders Corporation" şirkətinin baş direktoru Gerrit Jan Reinders bildirib:
"İqlim dəyişiklikləri və şəhərlərin böyüməsi fonunda hansı şəhərlərin dayanıqlı inkişafda uğur qazandığını anlamaq hər zamankından daha vacibdir. Bu araşdırma göstərir ki, ekoloji həyat tərzi ilə müasir, dinamik şəhər mühiti bir-biri ilə harmoniyada mövcud ola bilər. London da sübut edir ki, hətta böyük tarixi şəhərlər belə dayanıqlı nəqliyyata üstünlük verə bilər".
1. Vankuver, Kanada
2. Oslo, Norveç
3. Stokholm, İsveç
4. Münhen, Almaniya
5. Sürix, İsveçrə
6. Kopenhagen, Danimarka
7. Monreal, Kanada
8. San-Fransisko, ABŞ
9. Toronto, Kanada
10. London, Böyük Britaniya
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər