Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Stress və narahatlıqdan qurtulmağa kömək edən 5 sakitləşdirici içki
Stress və gərginlik bədənə və zehnə mənfi təsir göstərir, lakin bəzi təbii içkilər bu vəziyyəti yüngülləşdirməyə kömək edə bilər. Qeyd olunur ki, bu içkilər sağlamlıq üçün zərərli deyil və gündəlik həyat ritmində rahatlıq gətirə bilər.
Qaynarinfo xəbər verir ki, "Real Simple” nəşrinin məlumatına görə, qeydiyyatdan keçmiş diyetoloq Karolina Şnayder stressin azalmasına və sakitləşməyə kömək edən beş əsas içkini açıqlayıb.
Diyetoloqun sözlərinə görə, maqnezium və aşvaqandaya (yuxu gətirən vitaniya) əsaslanan içkilər xüsusilə effektivdir.
"Aşağı maqnezium səviyyəsi artan stresslə əlaqəlidir. Maqnezium GABA reseptorlarının fəaliyyətini dəstəkləyərək sakitləşməyə kömək edir”, deyə Şnayder bildirib.
Aşvaqanda isə bədənin stress hormonu olan kortizolun səviyyəsini azaldır və sinir sistemini tarazlaşdırır.
1. Çobanyastığı çayı - Çobanyastığı çayı ən məşhur kofeinsiz sakitləşdirici içkilərdən biridir. "Çobanyastığı "apigenin" adlı antioksidant tərkibli maddə sayəsində beyin reseptorları ilə qarşılıqlı təsirə girir və dincəlməyə şərait yaradır", deyə ekspert qeyd edir.
2. Yaşıl çay - Yaşıl çay az miqdarda kofein tərkibli olsa da, sakitləşdirmə və konsentrasiyanı artırma xüsusiyyətinə malikdir. "Yaşıl çayın tərkibindəki L-teanin adlı amin turşusu sakit, lakin ayıq vəziyyət yaradır və stress hissini azaldır”, deyə Şnayder izah edir.
3. Qaynar şokolad - Kakao tərkibli qaynar şokolad triptofan adlanan amin turşusuna görə beyində serotonin və melatonin istehsalını artırır. Bu, həm əhvalı yaxşılaşdırır, həm də dərin rahatlıq hissi yaradır.
4. Turş albalı şirəsi - Albalı şirəsi melatonin, triptofan və prosiandidin B-2 kimi maddələr baxımından zəngindir. Onlar orqanizmdə oksidləşmə stresini azaldır, əzələlərin bərpasını və yuxu keyfiyyətini yaxşılaşdırır.
5. İlıq süd - İlıq süd tərkibindəki triptofan, melatonin, laktoza, B qrupu vitaminləri və maqnezium sayəsində sakitləşdirici təsir göstərir. Sadə, amma effektiv üsul kimi, uzun və yorucu gündən sonra bir fincan ilıq süd rahat yuxuya kömək edə bilər.
Bu içkilər bədənin təbii sakitləşmə mexanizmlərini dəstəkləyir və stressin qarşısını almaqda dərmansız, sağlam yanaşma təklif edir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər