Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Peyvənd yoxdur: Nadir Ebola ştammı bu ölkədə onlarla insanı öldürür
Konqo Demokratik Respublikasında Ebola virusunun nadir ştamının yayılması qeydə alınıb. Həmin ştama qarşı təsdiqlənmiş vaksin və spesifik müalicə mövcud deyil. Tibb xidmətlərinin məlumatına görə, infeksiya artıq ölkənin şimal-şərqində yerləşən ucqar bölgələrdə onlarla insanın ölümünə səbəb ola bilər.
Qaynarinfo xəbər verir ki, bu barədə "Bloomberg” yazıb.
Ümumdünya Səhiyyə Təşkilatı (ÜST) təsdiqləyib ki, yayılmaya səbəb "Bundibugyo” ştamıdır. Bu, Ebola virusunun ən nadir variantlarından biri hesab olunur və indiyədək yalnız iki dəfə — 2007-ci ildə Uqandada və 2012-ci ildə Konqo Demokratik Respublikasında qeydə alınıb.
Rəsmi məlumatlara əsasən, İturi bölgəsində təxminən 246 şübhəli yoluxma halı və azı 65 ölüm qeydə alınıb. Yoluxmaların bir hissəsi laborator şəkildə təsdiqlənsə də, ekspertlər virusun bir neçə həftə ərzində diqqətdən kənarda yayılmış ola biləcəyini düşünür.
"Tədqiqatçı Syuzan Maklellan bildirib ki, bu halların hamısı son bir həftədə baş verməyib, proses artıq müəyyən müddətdir davam edir”.
Çətin bölgədə yayılma
İnfeksiyanın episentri Uqanda sərhədi yaxınlığında yerləşən, çatılması çətin olan ərazilərdədir. Zəif infrastruktur, silahlı münaqişələr və əhalinin köçü xəstəliyin qarşısının alınmasını çətinləşdirir.
Yerli ekspertlər xəbərdarlıq edirlər ki, həddindən artıq sıx məskunlaşmış mədənçi qəsəbələri və işçilərin daimi hərəkəti virusun yayılmasını sürətləndirə bilər.
"Vəziyyətin əhəmiyyətli dərəcədə pisləşməsi riski böyükdür”, — yerli hüquq-müdafiə təşkilatının nümayəndəsi bildirib.
Ştamın təhlükəsi nədir
Ebola dünyada ən ölümcül viruslardan biri hesab olunur. Tibbi yardıma çıxış imkanlarından asılı olaraq ölüm göstəricisi 90 faizə çata bilər.
Daha geniş araşdırılmış "Zair” ştamından fərqli olaraq, "Bundibugyo” üçün vaksin və terapiya hazırlıqları ilkin mərhələdədir. Həkimlər eksperimental antiviral preparatlardan istifadə edə bilsələr də, onların effektivliyi məhduddur.
Dünya necə reaksiya verir
Ümumdünya Səhiyyə Təşkilatı artıq bölgəyə epidemioloqlar, laboratoriya mütəxəssisləri və qoruyucu vasitələr göndərib. Bundan əlavə, tibbi avadanlıq və test sistemlərinin çatdırılması davam edir.
Mürəkkəb vəziyyətə baxmayaraq, ekspertlər bildirirlər ki, virus təsadüfi təmas yolu ilə asan yayılmır və qlobal miqyasda yayılma riski aşağı olaraq qalır.
"Tədqiqatçılar qeyd edirlər ki, Ebola virusunun Afrika xaricində davamlı yayılması ilə bağlı sənədləşdirilmiş hal yoxdur”.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər