Xüsusi prokuror David Vays FTB-nin keçmiş informatoru Aleksandr Smirnovu prezident Co Bayden və onun oğlu Hanter Baydenin Ukraynanın Burisma enerji şirkəti ilə biznes əlaqələri haqqında yalan danışmaqda ittiham edib.

Qaynarinfo xəbər verir ki, 43 yaşlı Smirnov FTB-yə yalan danışmaqda və saxta qeydlər yaratmaqda ittiham olunur.

İttihamnamədə iddia edilir ki, Smirnovun FTB-yə verdiyi ifadə "uydurmadır, diqqətəlayiq iş görüşmələri və faktiki olaraq onun iddia etdiyindən gec baş vermiş təmasların qarışığıdır.

Məhkəmə sənədlərinə görə, Smirnov FTB agentinə deyib ki, o, Burismanın sahibi ilə şirkətin ABŞ-da şirkət almaq səyləri barədə danışıb.

İttihama görə, Smirnov FTB hesabatında Burismanın idarə heyətinə "İş adamı 1" kimi istinad etdiyi bir fərdlə yanaşı, "Dövlət məmuru 1" kimi bəhs etdiyi şəxsin oğlunun da olduğunu qeyd edib. İttihamnamədə bu şəxslərin kimliyi göstərilməsə də, mənbələr "Hökumət işçisi 1"i Co Bayden, "İş adamı 1"i isə Hanter Bayden kimi tanıyıb.

Co Baydenin prezidentlik kampaniyası zamanı Smirnov 2015 və 2016-cı illərdə Burisma rəhbərləri ilə iki görüş keçirməsi barədə FTB-yə hesabat təqdim edib və bu görüş zamanı rəhbərlər Hanter Baydeni "atası vasitəsilə bizi hər cür problemlərdən qorumaq” üçün işə götürdüklərini etiraf ediblər.

Smirnov, həmçinin iddialara görə, Co Bayden vitse-prezident olduğu zaman icraçıların hər birinə 5 milyon dollar ödədiyini, Hanterin "bütün bu məsələləri atası vasitəsilə həll etməsi" üçün Ukraynanın o zamankı baş prokurorunun Burisma cinayət işi ilə bağlı apardığı cinayət təhqiqatına istinad edərək məlumat verib.

"Əslində müttəhim 2017-ci ildə Burisma rəhbərləri ilə əlaqə saxlayıb... yəni (Co Baydenin) ABŞ siyasətinə təsir etmək imkanının olmadığı və Baş Prokurorun artıq vəzifədə olmadığı bir vaxtda”, - ittihamda deyilir.

Xatırladaq ki, Hanter Baydenlə bağlı istintaq 2018-ci ilin sonlarında başlayıb və vergi qanunları və çirkli pulların yuyulması qanunlarının mümkün pozuntuları, habelə onun xarici ölkələrdə, əsasən də Çindəki biznes əməliyyatları ilə bağlı olub. Bu, 2020-ci ildə üzə çıxıb.

2022-ci ilin oktyabrında The Washington Post xəbər verib ki, federal agentlər Hanter Baydeni silahlar və vergilər haqqında yalan ifadələr verməklə bağlı cinayətlərdə ittiham etmək üçün kifayət qədər sübut topladıqlarına inanırlar.

2019-cu ilin payızında ABŞ prezidenti Donald Trampın Ukrayna prezidenti Vladimir Zelenskiyə təzyiq göstərdiyi və ondan Ukraynanın Burisma şirkətində kiçik Baydenin fəaliyyətinin araşdırılmasını tələb etdiyi iddia edilir. Bu məlumatın yayılması nəticəsində Nümayəndələr Palatası Trampa qarşı impiçment elan edib, lakin Senat onu vəzifəsindən azad etməkdən imtina edib.

Federal müstəntiqlərin "Burisma işi" ilə əlaqədar olaraq idarə heyətində Hanter Baydenin rəsmi olaraq xidmət etdiyi Blue Star Strategies lobbi firmasını araşdırdıqları iddia edilib. Lakin bu araşdırma nəticəsində ittiham irəli sürmək üçün heç bir əsas tapılmayıb.

Alpər