Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Almaniya Ukraynada "Starlink"ə alternativini gizli şəkildə maliyyələşdirir
Almaniya Fransanın "Eutelsat” şirkəti tərəfindən idarə olunan peyk internet şəbəkəsi vasitəsilə Ukraynaya yüksək sürətli internet xidməti təqdim edilməsini maliyyələşdirir.
Qaynarinfo xəbər verir ki, bu barədə "Reuters” agentliyinə "Eutelsat”ın baş direktoru Eva Berneke məlumat verib.
O bildirib ki, xidmət Almaniyanın distribyutor şirkəti vasitəsilə artıq bir ildir ki, göstərilir. Bernekenin sözlərinə görə, layihə Almaniya hökuməti tərəfindən maliyyələşdirilir, lakin onun dəyəri açıqlanmayıb.
Hazırda Ukraynada "Eutelsat” şəbəkəsinə qoşulmuş təxminən 1 000 terminal fəaliyyət göstərir. Müqayisə üçün qeyd olunur ki, "Starlink” terminallarının sayı 50 000-dir. Lakin Berneke yaxın həftələrdə "Eutelsat” terminallarının sayının 5-10 minə qədər artacağını gözlədiyini bildirib.
Almaniyanın bu artımı da maliyyələşdirib-maliyyələşdirməyəcəyi ilə bağlı suala cavab verən "Eutelsat” təmsilçisi Coanna Darlington bu məsələnin hələ də müzakirə olunduğunu deyib: "Hazırda bilmirik ki, Avropa İttifaqı bu cür təşəbbüsləri ümumi şəkildə, yoxsa ölkələr üzrə maliyyələşdirəcək”.
Berneke əlavə edib ki, "Eutelsat” Ukraynaya Yerin geostasionar orbitində yerləşən peyklər vasitəsilə internet xidmətləri təklif edə bilər. Bu cür peyklər Yerdən daha uzaqda yerləşdiyi üçün adətən daha zəif bağlantı sürəti təqdim etsə də, onlardan istifadə olunan terminallar daha ucuzdur və istifadəçilər üçün alternativ kimi yararlıdır.
Fevral ayında ABŞ-ın Ukraynanı faydalı qazıntılarla bağlı razılaşma imzalamağa məcbur etmək məqsədilə "Starlink” terminallarını söndürə biləcəyi ilə bağlı iddialar yayılmışdı. Lakin "Starlink” şirkəti və İlon Mask bu iddiaları rədd etmişdi.
Yaxın günlərdə Ukraynanın rəqəmsal transformasiya naziri Mixaylo Fedorov Polşadan əlavə 5 000 ədəd "Starlink” peyk rabitə terminalı aldıqlarını bildirib. Bu avadanlıqlar xəstəxanalar, məktəblər və kritik infrastruktur obyektlərində fasiləsiz rabitəni təmin etməlidir.
Ümumilikdə, Ukrayna bu günədək 50 000-dən çox "Starlink” terminalı əldə edib, onlardan 29 500-ü Polşa tərəfindən təqdim olunub.
Aydın
Oxşar xəbərlər
ABŞ-ın altındakı litosfer plitəsi tədricən
Dünya
05.04.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər