Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
ABŞ Rusiyaya qarşı yeni sanksiyalara hazırdır: İki partiyalı layihə təqdim edildi
ABŞ Senatının yarısı – 25 respublikaçı və 25 demokrat – əgər Rusiya səmimi şəkildə sülh danışıqlarında iştirak etməsə, ona qarşı sanksiyalar tətbiq etməyə razılaşıb. Onlar bununla bağlı qanun layihəsi hazırlayıblar.
Qaynarinfo xəbər verir ki, bu barədə Reuters yazır.
Qanun layihəsinin əsas müəllifləri, respublikaçı Lindsi Qrem və demokrat Riçard Blümental bildiriblər ki, sənəd Rusiyaya və Ukraynaya qarşı təcavüzü dəstəkləyən təşkilatlara qarşı ilkin və əlavə sanksiyaların tətbiqini nəzərdə tutur. Əgər Moskva danışıqlarda iştirakdan imtina etsə və ya hər hansı sülh razılaşmasından sonra Ukraynanın suverenliyini pozmağa cəhd etsə, bu tədbirlər qüvvəyə minəcək.
Senatorların bəyanatında qeyd olunur ki, Rusiyaya qarşı sanksiyalar, həmçinin, Rusiya nefti, qazı, uranı və digər məhsullarını alan ölkələr üçün tariflərin artırılmasını nəzərdə tutur.
"ABŞ Senatında hökm sürən əsas fikir odur ki, Rusiya təcavüzkardır və bu dəhşətli müharibə, Putin tərəfindən edilən təcavüz dərhal dayandırılmalı və gələcəkdə də cilovlanmalıdır", – agentlik senatorların bəyanatından sitat gətirir.
Qeyd olunur ki, qanun layihəsi paralel olaraq Nümayəndələr Palatasına da təqdim edilib və burada da həm respublikaçılar, həm də demokratlar tərəfindən dəstəklənir. Layihənin tərəfdarları bildirirlər ki, əgər Konqresin respublikaçı liderləri səsverməyə icazə versələr, hər iki palatada böyük səs çoxluğu ilə qəbul ediləcək. Lakin səsvermənin nə vaxt keçiriləcəyi açıqlanmayıb.
ABŞ-ın Rusiyaya qarşı sanksiyaları
Daha əvvəl UNİAN xəbər verirdi ki, ABŞ prezidenti Donald Tramp Putindən narazıdır və sərt cavaba hazırlaşır. Trampın fikrincə, Rusiya rəhbəri vaxt qazanmağa çalışır. Fox News-un müxbiri Ceki Haynrikin danışıqlarla tanış mənbəyə istinadən verdiyi məlumata görə, ABŞ administrasiyası "sanksiyaların aqressiv tətbiqinə", o cümlədən Rusiyanın "kölgə donanmasına" qarşı tədbirlərə hazırlaşır.
Bundan əvvəl isə Finlandiya prezidenti Aleksandr Stub Tramp ilə görüşündən sonra bildirmişdi ki, ABŞ administrasiyası hazırda yeni sanksiyaların hazırlanması prosesindədir. Bu sanksiyalar Vladimir Putinin atəşkəsdən imtina etməsi və ya onu pozması halında tətbiq olunacaq.
Aprelin 1-də yayılan məlumata görə, ABŞ prezidenti administrasiyası yaxın aylarda Ukraynada atəşkəsə nail olma ehtimalının az olduğunu hesab edir və həm Rusiya, həm də Ukraynaya təzyiqi artırmaq üçün yeni planlar üzərində işləyir. Çünki Trampın "sülhməramlı" səylərinin uğursuz olması onun üçün yolverilməz sayılır.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər