Süni intellekt nikahı pozdu: Bir səhv evliliyi etibarsız etdi

Qaynarinfo xəbər verir ki, Zvolle Məhkəməsinin 6 yanvarda açıqlanan qərarına görə, 19 aprel 2025-ci il tarixində keçirilən nikah mərasimində yalnız bir günlük vəzifə ilə təyin edilmiş evlilik məmur nitqi süni intellekt yardımı ilə hazırlayıb. Qərarda əlavə olunub ki, cütlüyün tanışı olan və nikahı kəsmək üçün təyin edilmiş evlilik məmuru evlənənlərin istəyi ilə mərasimin "daha səmimi" olması üçün nitqi süni intellektə hazırlatdırıb və mərasim zamanı verilən bəyanatlar qanunda nəzərdə tutulan zəruri elementləri əhatə etməyib.

Məhkəmə qərarında qeyd edilib ki, yalnız bir günlük vəzifə ilə təyin olunmuş evlilik məmuru mərasimdə iştirak etsə də, Zvolle Bələdiyyəsinin rəsmi evlilik məmuru da orada olub və prosesə heç bir müdaxilə etməyib.

Qərarda həmçinin bildirilir ki, cütlük 20 avqust tarixində məhkəməyə təqdim etdikləri ərizədə baş vermiş səhvin öz məsuliyyətlərindən olmadığını və evliliyin qaydalara uyğun şəkildə həyata keçirildiyini düşünərək etiraz edib, məhkəmədən evliliklərinin etibarlı sayılmasını tələb ediblər.

Məhkəmənin iştirakçısı olan Zvolle Bələdiyyəsinin evlilik məmurunun da prokurorluğun tələbini dəstəklədiyi qərarda qeyd olunub. Məhkəmə bildirib:

"Məhkəmə evlilik qeydində göstərilən tarixin cütlük üçün əhəmiyyətini başa düşür, lakin qanunda nəzərdə tutulan tələblərin xaricinə çıxa bilməz".

Məhkəmə qərarına görə, evlənəcək şəxslər Niderland Mülki Məcəlləsinin 1/67-ci maddəsinə əsasən, evlilik məmuru və şahidlərin iştirakı ilə bir-birlərini həyat yoldaşı olaraq qəbul etdiklərini və qanunun evlilik statusuna bağladığı bütün öhdəlikləri sadiqliklə yerinə yetirəcəklərini bəyan etməlidirlər.