Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
“Rolls-Royce” Londona atom sualtı qayıqları istehsal edəcək - 9 milyardlıq müqavilə
Böyük Britaniya hökuməti atom sualtı qayıqlardan ibarət donanmasını genişləndirir – "Rolls-Royce” bu layihədən faydalanan ilk şirkətlərdən biri olacaq və bununla əlaqədar 9 milyard funt sterlinq dəyərində müqavilə bağlanıb.
Qaynarinfo bu barədə BBC-yə istinadla xəbər verir.
Böyük Britaniyanın müdafiə naziri Con Gili cümə günü Derbidəki nüvə reaktorları istehsal edən zavoda səfəri zamanı bu müqaviləni elan edəcək.
"Sinerji" adlanan səkkiz illik müqavilə reaktorların layihələndirilməsi, istehsalı və dəstəklənməsini daha effektiv və ekoloji baxımdan təmiz etmək məqsədini daşıyır.
Bu müqavilənin Böyük Britaniyada 1000-dən çox yeni iş yeri yaratması və 4000 mövcud iş yerini qoruyub saxlaması gözlənilir.
Hökumət müqavilənin əvvəlki razılaşmaları və təşviqləri tənzimləyəcəyini, xidmətlərin daha effektiv göstərilməsini təmin edəcəyini və bunun 400 milyon funt sterlinq qənaətə gətirib çıxaracağını bildirib.
Böyük Britaniyanın mövcud sualtı donanmasının dəstəklənməsi ilə yanaşı, "Sinerji" çərçivəsində yeni "Dreadnought" sinif sualtı qayıqlarının tikintisi və istismara verilməsi, həmçinin AUKUS müdafiə alyansı üçün müqavilələrin bağlanması nəzərdə tutulur.
2023-cü ilin martında elan olunmuşdu ki, "Rolls-Royce” Böyük Britaniya, ABŞ və Avstraliya arasında müdafiə razılaşması çərçivəsində yeni atom sualtı donanması üçün reaktorlar təmin edəcək.
Sualtı qayıqlar Böyük Britaniya və Avstraliyada inşa ediləcək, lakin hər üç ölkənin texnologiyalarından istifadə olunacaq.
Xatırladaq ki, Böyük Britaniya NATO ölkələrinin müdafiəyə ÜDM-in artıq 2%-ni xərcləməsinin yetərli olmadığını hesab edir.
Kira Starmer hökuməti hazırkı təhlükələrə qarşı hazır vəziyyəti yoxlamaq məqsədilə Silahlı Qüvvələrin Strateji Müdafiə Baxışına başladığını elan edib.
Alpər
Oxşar xəbərlər
ABŞ İrana ordu yeridərsə... (ŞƏRH)
Dünya
24.01.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər