Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Okeanın 5000 metr dərinliyində çoxlu qəribə canlılar tapıldı (FOTO)
Okeanların ən dərin nöqtələrindən birində alimlər yeni və sirli canlı növləri aşkarlayıblar. Ən dərinlikdə qeydə alınan canlı - 6465 metr dərinlikdə, Sakit okeanının Aleut çökəkliyində tapılmış yeni növ molyusk olub.
Qaynarinfo "BBC Wildlife Magazine" nəşrinə istinadən xəbər verir ki, yeni araşdırmada dünyanın müxtəlif bölgələrindən 14 yeni dəniz qurdunun, molyusk və xərçəngkimilərin təsviri təqdim edilib, eləcə də bir sıra tanınmış dəniz canlıları haqqında yeni məlumatlar verilib.
Ən maraqlı kəşflərdən biri uzun, nazik və qoruyucu qabığa sahib "Laevidentalium wiesei" adlı molyusk üzərində müşahidə olunub. Onun qabığının ön hissəsinə aktiniya (dəniz anemonu) yapışmış vəziyyətdə tapılıb. Araşdırmanın "Biodiversity Data Journal" jurnalında dərc olunan müəllifləri bu hadisəni Laevidentalium cinsinə aid molyusklarda qeydə alınmış ilk qarşılıqlı əlaqə kimi qiymətləndiriblər.
Alimlər bildirirlər ki, bu kəşf okean canlılarının həyat tərzi barədə nə qədər az məlumata malik olduğumuzu göstərir.
Tədqiqat "Ocean Species Discoveries" layihəsi çərçivəsində aparılıb. Layihənin məqsədi yeni növlərin aşkar edilməsi ilə onların rəsmi tanınması arasındakı vaxtı qısaltmaqdır.
Ən dərinlikdə aşkar edilən növ "Veleropilina gretchenae" adlı molyusk olub. O, 6465 metr dərinlikdə, Alyaska və Aleut adaları boyunca uzanan Aleut çökəkliyində tapılıb.
Bundan başqa, alimlər 5170–5280 metr dərinlikdə yaşayan yeni yırtıcı ikiqatqabıqlı molyusk – "Myonera aleutiana" növünü də təsvir ediblər. Qeyri-invaziv mikro-KT skanlama üsulu ilə aparılan araşdırma zamanı heyvanın daxili orqanları və yumşaq toxumalarının 2000-dən çox dəqiq görüntüsü əldə edilib. Bu, belə metodla öyrənilmiş ikinci ikiqatqabıqlı molyusk hesab olunur.
Tədqiqat zamanı 2602 metr dərinlikdə, Sakit okeanda Qalapaqos riftinin hidrotermal mənbə ərazisində midiyə bənzər dəniz dibində tapılmış kiçik xərçəngkimilərdən biri yeni amfipod növü – "Apotectonia senckenbergae" kimi müəyyənləşdirilib.
Ən qəribə canlılardan biri isə Avstraliyanın sahil zonasında aşkarlanmış parazitik izopod – "Zeaione everta" olub. Alimlərin bildirdiyinə görə, bu növün dişi fərdlərinin bel hissəsində popkornu xatırladan çıxıntılar var.
Layihənin ikinci böyük kolleksiyasına həsr olunmuş bu araşdırmada 20-dən çox tədqiqatçı iştirak edib. Onlar bildiriblər:
"Birgə məqsədimiz taksonomiyanı daha sürətli, səmərəli, əlçatan və vizual etməkdir".
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər