Milli parklar oyun meydançası deyil ...! Bu, təbiət və təbiətin öz şərtləri ilə təbiəti hər hali ilə qəbul edərək, sevib qoruya biləcək insanlar üçün misilsiz təbbi gözəllikdir . (Michael Frome) Milli parklar və qoruqlar təbii ehtiyatlardan ağıllı istifadənin tərkib hissəsidir, deməsidə belə təbbi gözəlliklərin hər canlının həyatında mühüm olmasının çox önəmli olduğunu önə çəkir.

Azərbaycan ərazisində yeni-yeni Milli parkların yaradılması, mövcüd olan ərazilərin genişləndirilməsi, turizm potensialının yüksəldilməsi istiqamətində bu gün bir çox işlər görülür. Azərbaycanın Milli parkları son illər daha çox məşhurlaşıb və parklara səfərlər artıq dəyişilməz ənənəyə çevrilib. Hal-hazırda xüsusilə qeyd edə bilərik ki, Milli parklarımızın hamısı əvəzolunmaz təbiət möcüzəsidir və ölkəyə gələn minlərlə turist və qonaqlar bu gözəllikləri həvəslə müşahidə edib təbiətin qoynunda gözəl mənzərədən zövqlə zaman keçirir. Turizm potensialının yüksəldilməsi və mühafizənin yaxşı təşkil edilməsi məqsədilə ərazilər daim diqqət mərkəzində saxlanılır, monitorinqlər keçirilir.

COP29 ilə bağlı ölkəyə gələn və gələcək olan turist sayını nəzərə alsaq Milli parklarımızda yanğına qarşı təhlükəsizlik işləri eyni zamanda gələn turistlərə və qonaqlara biomüxtəliflik barədə maarifləndirici məlumatların verilməsi, mühafizələrinin təşkil olunması, olduqları ərazilərin nəzarət tədbirlərinin həyata keçirilməsi, turist və qonaqlara bələdçilik edilməsi məsələləri diqqət mərkəzindədir.

Ekologiya.az-ın əməkdaşları bir neçə Milli parklarımıza bu məsələ ilə bağlı baş çəkmiş vəziyyətlə bağlı araşdırılmalar aparmışdır. Şahdağ, Altıağac, Qızılağaç, Şirvan və Abşeron Milli parklarında təhlükəsizlik işləri mühafizənin təşkili yüksək səviyyədə olub və gələn turistlərə bələdcilik edilməsi üçün lazımi tədbirlər həyata keçirilir. Adı çəkilən milli parkların rəhbərlikləri tərəfindən bildirilib ki, Milli parklarımızın və ora gələn qonaqların mühafizəsi işlərinin təbliği istiqamətində maarifləndirmə işləri mütəmadi olaraq davam etdiriləcək.

QEYD: ETSN ölkəmizdə təbiətlə bağlı mühüm tədbirlər və görüşlər aparması, vətəndaşlarımıza eləcə də gələn qonaqlara, bütün hallarda təbiətlə bağlı qanunlara hörmət etmələri töfsiyyə edilir və edilmişdir. Ölkəmizə gələn turist sayını nəzərə alsaq, gələnlərin Milli parklarımıza daxil olan zaman təhlükəsizlik qaydalarına əməl etmələri vacib haldır. Eləcə də ətraf mühütün çirkləndirilməməsi, Milli parklarda davranış qaydalarına tam riayət edilməsini də unutmamalıyıq! Bu gözəlliklərlə dolu ekoloji dünya hamımızındır!

Məleykə Paşayeva