Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Ela Rümeysa Cebeci yeni ifadə verdi: "Satıcı yox, istifadəçi idim"
Türkiyədə aparılan genişmiqyaslı narkotik istintaqı çərçivəsində həbs edilən televiziya spikeri Ela Rümeysa Cebeci ilə bağlı yeni detallar Türkiyə mətbuatında dərc olunub.
Qaynarunfo-nun verdiyi xəbərə görə, İstanbul Cumhuriyyət Baş Prokurorluğunun apardığı araşdırma çərçivəsində Cebeci 20 dekabr 2025-ci ildə istintaqa əlavə ifadə verib.
"Sabah" qəzetinin yaydığı xəbərə görə, Cebeci ifadəsində narkotik maddələrin satışı ilə heç bir əlaqəsinin olmadığını bildirib. O qeyd edib ki, heç vaxt narkotik satıcısı olmayıb və yalnız istifadəçi olub. Cebeci istintaqa mane olmamaq məqsədilə hər iki mobil telefonunun şifrələrini könüllü şəkildə hüquq-mühafizə orqanlarına təqdim etdiyini də vurğulayıb.
Əlavə ifadəsində Cebeci bildirib ki, əvvəlki ifadələrində narkotikdən istifadə etmədiyini desə də, sonradan həqiqətlərin tam şəkildə ortaya çıxması üçün özü istintaqa müraciət edib. Onun sözlərinə görə, WhatsApp yazışmalarında yer alan bəzi mesajlar kontekstdən çıxarılıb və yanlış şərh olunub. Spiker keçmiş dövrdə narkotik maddə istifadə etdiyini etiraf etsə də, ağır və sintetik maddələrdən istifadə etmədiyini bildirib.
Cebeci THC tərkibli maddələrin də Türkiyə qanunvericiliyinə görə cinayət hesab olunduğunu bilmədiyini, xaricdə bu cür maddələrin bəzi ölkələrdə sərbəst olması səbəbilə yanlış qərar verdiyini deyib. O, bu vəziyyəti açıq şəkildə səhv kimi qiymətləndirib.
"Sadettin Saranla romantik münasibətimiz olub..."
İstintaq materiallarında Cebeci ilə iş adamı Sadettin Saran arasında 2021-ci ilə aid yazışmaların yer aldığı da bildirilir. Cebeci savcılığa verdiyi ifadədə həmin dövrdə Saranla romantik münasibətdə olduqlarını, münasibətin sonradan dostluq səviyyəsində davam etdiyini bildirib. O, bu əlaqənin narkotik istintaqı ilə birbaşa bağlı olmadığını qeyd edib.
Cebeci əlavə olaraq yenidən qan testinin aparılmasını və saç nümunələrinin götürülməsini tələb edib. Müdafiə tərəfi bu addımın ittihamların xarakterinin dəqiqləşdirilməsi baxımından vacib olduğunu bildirir. Spiker istintaq prosesi zamanı yaşadığı imic zədələnməsi ilə bağlı da daha sonra ətraflı açıqlama verəcəyini deyib.
Türkiyə mediası yazır ki, İstanbulda aparılan bu istintaq təkcə bir şəxslə məhdudlaşmır və hazırda bir neçə tanınmış sima ilə bağlı araşdırmalar davam edir. Prokurorluq isə proseslə bağlı yalnız rəsmi məhkəmə sənədlərində əksini tapan məlumatların əsas götürülməsini tövsiyə edir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər