Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Əfsanəvi "Nimitz" təqaüdə çıxır - Vida missiyası başladı
ABŞ Hərbi Dəniz Qüvvələri "USS Nimitz" atom aviadaşıyıcısının son hərbi yerləşdirilməsinə başlayıb.
Qaynarinfo xəbər verir ki, "Daily Galaxy" nəşrinin yazdığına görə, gəmi istismardan çıxarılmadan əvvəl Cənubi Amerikanı dolanan uzun marşrut üzrə səfərə çıxıb.
ABŞ donanmasının hazırda xidmətdə olan ən köhnə aviadaşıyıcısı sayılan gəmi bu səfərdən sonra ölkənin şərq sahillərinə çatacaq və burada onun istismardan çıxarılması üzrə uzunmüddətli proses başlayacaq.
Ölçülərinə görə "USS Nimitz" Panama kanalından keçə bilmir. Bu səbəbdən gəmi dünyanın ən çətin dəniz marşrutlarından biri hesab olunan Horn burnunu dolanmağa məcburdur.
Bu marşrut səfəri xeyli uzatsa da, region ölkələri ilə birgə hərbi təlimlərin keçirilməsi üçün imkanlar yaradır.
Güclü zərbə qrupu
Aviadaşıyıcı 11-ci zərbə qrupuna rəhbərlik edir. Qrupun tərkibinə raketdən müdafiə və sualtı qayıqlara qarşı imkanlara malik esmineslər daxildir.
Gəminin göyərtəsində 60-dan çox təyyarə yerləşir. Bunlara "F/A-18 Super Hornet" qırıcıları və yüzlərlə kilometr məsafədə nəzarət imkanı verən "E-2D Advanced Hawkeye" erkən xəbərdarlıq təyyarələri daxildir.
Analitiklər gəminin dünyanın ən qədim çoxmillətli dəniz əməliyyatı hesab olunan "UNITAS" təlimlərində iştirakını da istisna etmirlər.
Bu cür missiyalar radioelektron mübarizə, axtarış-xilasetmə əməliyyatları və sualtı qayıqlara qarşı müdafiə kimi sahələrdə birgə fəaliyyətlərin məşq edilməsinə imkan verir.
Tarixin son səhifəsi
Missiya başa çatdıqdan sonra "USS Nimitz" Norfolk bazasına qayıdacaq və burada onun deaktivasiya prosesi başlayacaq. Bu proses nüvə yanacağının çıxarılması və müxtəlif sistemlərin sökülməsini əhatə edir və illərlə davam edə bilər.
1975-ci ildə istismara verilən aviadaşıyıcı təxminən yarım əsrlik xidmətini başa vuraraq yerini daha müasir "Gerald R. Ford" sinifli gəmilərə verəcək.
Bu səfər onilliklər boyu ABŞ-ın dəniz gücünün simvolu olmuş əfsanəvi gəminin son yürüşü olacaq.
Aydın
Oxşar xəbərlər
"Taxt-tac oyunları"nın ulduzu vəfat etdi
Dünya
09.04.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər