Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Şimali koreyalı qadın vətənində yaşadığı dəhşətli həyatdan danışdı: Oğlu əsirlikdədir
1998-ci ildən bəri təxminən 38 min Şimali koreyalı Cənubi Koreyaya qaçıb. Onlardan biri də Soyeon Lidir.
Qaynarinfo xəbər verir ki, Soyeon vətənində yaşadığı dəhşətlər barədə "Bild"ə danışıb.
O, hazırda Seulun cənubunda yerləşən Pyeongtaek şəhərində yaşayır. Lakin Şimali Koreyanın şimalında, partiyaya sadiq professorun ailəsində anadan olub. Partiyaya qoşulmaq üçün Soyeon on illik hərbi xidmətə gedib. Orduda rejimin aşıladığı dünyagörüşü dağılmağa başlayıb:
"Mən xalqıma xidmət etmək əvəzinə, əsgər geyimində onsuz da yoxsul olan kəndlilərin tarlalarını qarət etməli oldum".
Orduda Li digər qadın əsgərlərlə sıx şəraitdə yaşamalı, tez-tez ac qalmalı və rəhbərlərinin təhqirlərinə dözməli olub. O, özbaşınalıq ucbatından ordudan sonra universitetə daxil ola bilməyib və iki il müddətinə kömür mədəninə işləməyə göndərilib.
Lakin Lini 2006-cı ildə Çinə qaçmağa məcbur edən bu deyil, məcburi evlilik zamanı yaşadığı məişət zorakılığı olub. Köməksiz qaçmaq çox çətin olduğundan, Soyeon qaçaqmalçılara müraciət edib və qondarma evlilik mafiyasının əlinə keçib: Çin-Şimali Koreya qrupları Şimali Koreyadan olan qadınları şirnikləndirərək onlara azadlıq, iş və layiqli maaş vəd edir. Bunun əvəzinə qaçdıqdan sonra zorlama, məcburi evlilik və ya fahişəliklə üzləşirlər.
Linin qaçaqmalçıları da onun tərk etmək məcburiyyətində olduğu kiçik oğlunu xilas edəcəklərinə söz veriblər. O, sonda - 2014-cü ildə qayıqla Çindən Cənubi Koreyaya qaçmağı bacarıb. İndi Şimali koreyalı qaçqınlar üçün bir təşkilata rəhbərlik edir.
Onun qaçmağa çalışan, lakin Çin səlahiyyətliləri tərəfindən Şimali Koreyaya ekstradisiya edilən 20 yaşlı oğlu hələ də Kim Çen Inın düşərgələrindən birindədir. Soyeon Linin bildiyinə görə, oğlu qaçdığı üçün ağır işgəncələrə məruz qalıb. "Ancaq o, hələ də sağdır, bildiyim sadəcə budur", deyə Li bildirib.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər