Moda insanın daxili vəziyyətini və ətrafdakılar tərəfindən necə qəbul edildiyini əks etdirir. Qarderobdakı bəzi elementlər real yaş yalnız kağız üzərində qalsa belə, vizual olaraq insanı daha yaşlı göstərə bilər. Bunun əsas səbəbləri uyğun olmayan biçim, köhnəlmiş geyimlər, yanlış rəng seçimi və aksessuarlar, eləcə də geyimin üzərində düzgün oturmamasıdır.

Qaynarinfo xəbər verir ki, "VegOut" jurnalı qadını vizual olaraq yaşlı göstərən məqamları ətraflı təsvir edib.

Qadını ən çox yaşlı göstərən amillər - 5 dəb səhvi

Bu səhvlərin aradan qaldırılması üçün qarderobu tam dəyişməyə ehtiyac yoxdur, bir neçə düşünülmüş düzəliş kifayətdir.

Formasız geyimlər: Aydın strukturu olmayan geyimlər fiqurun təbii xətlərini gizlədir, silueti ağırlaşdırır və insanı daha yaşlı göstərir. Geniş sviterlər, çox enli şalvarlar və həddindən artıq həcimli geyimlər yorğunluq və enerjisizlik təsiri yaradır. Görünüşün təravətli qalması üçün bədəni sıxmadan onun konturlarını yumşaq şəkildə təkrarlayan geyimlər seçmək tövsiyə olunur. Kəmər, bükmə və ya üst geyimin qismən şalvarın içinə salınması bel xəttini vurğulayaraq rahatlıqla forma arasında balans yaradır. Əgər üst hissə genişdirsə, alt hissənin daha dar seçilməsi məqsədəuyğundur və əksinə.

Köhnəlmiş geyimlər: İllər əvvəl alınmış pencək və ya şalvar kimi qarderob elementləri vizual olaraq insanı yaşlandıra bilər. Köhnə üslubun əlamətləri – çox enli və ya həddindən artıq dar çiyinlər, aktual olmayan siluetlər, uyğun gəlməyən yaxa formalarıdır. Hətta nostalji dəyəri olan geyimləri də vaxtaşırı qiymətləndirmək lazımdır: bu gün müasir mağazada alınardımı? Bəzən köhnə bir geyimi müasir baza elementləri ilə birləşdirərək yeniləmək mümkündür.

Üz nahiyəsində kəskin və ya solğun rənglər: Üzə yaxın tünd, çirkli və ya həddindən artıq kontrast rənglər qırışları, gözaltı kölgələri vurğulayır və sifəti solğun göstərir. Yaş artdıqca dəri və saçın kontrastı dəyişir, buna görə əvvəllər uyğun görünən rənglər sonradan sərt təsir bağışlaya bilər. Təbii işıqda çalarları yoxlamaq, daha yumşaq və neytral tonlara üstünlük vermək tövsiyə olunur: krem rəngi, boz-qəhvəyi, boğuq mavi və ya zeytun çaları. Qara rəngi daha çox geyimin alt hissəsində saxlamaq, üzə yaxın hissədə isə açıq aksentlərdən, şərflərdən və bəzəklərdən istifadə etmək məsləhətdir.

Ətək və ətək uclarının uzunluğu peşəkar: Dərzidə edilən kiçik düzəlişlər çox vaxt yeni geyim almaqdan daha ucuz başa gəlir vn üzərində düzgün oturmamasına məhəl qoymamaq: Həddindən artıq dar və ya çox boş geyim vizual olaraq yaş əlavə edir. Düzgün oturan geyim özünə hörməti əks etdirir və duruşa, hərəkətlərə təsir göstərir. Pencək və köynəklərin çiyin tikişləri dəqiq uyğun gəlməli, şalvar dartılmamalı və sallanmə görünüşü tamamilə dəyişərək onu daha səliqəli və müasir edir.

Ayaqqabı və aksesuarlara laqeyd yanaşma: Hətta ideal seçilmiş qarderob belə ayaqqabı və aksessuarlara görə köhnə təsir bağışlaya bilər. Problemli elementlərə iri və kobud ayaqqabılar, köhnəlmiş baletkalar, ağır bəzəklər, formasız və köhnə çantalar daxildir. Ən azı bir cüt lakonik dizayna malik müasir, təmiz idman ayaqqabısı, alçaq dabanlı rahat və zərif tuflilər, eləcə də neytral rəngdə orta ölçülü, strukturlaşdırılmış çanta saxlamaq tövsiyə olunur. Bəzəklər isə yüngül və minimalistik seçilməlidir, çünki bu cür aksessuarlar daha aktual görünür və yaş əlavə etmir.

Qarderobdakı səhvlər real vəziyyətə uyğun olmasa belə, yorğunluq, yaşlanma və enerjinin azalması təəssüratı yarada bilər. Bu səhvlərdən heç olmasa birinin düzəldilməsi görünüşü xeyli təravətləndirə bilər: geyimin fiqura uyğunlaşdırılması, köhnəlmiş çantanın dəyişdirilməsi və ya üzə yaxın rənglərin korreksiyası qarderobu keçmiş təcrübənin deyil, mövcud vəziyyətin əksinə çevirir.

Aydın