Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
"Trampla Aİ arasında yaxınlaşmanın baş verəcəyi şansını görmürəm" (ŞƏRH)
"İndiki mərhələdə, Trampın sərgilədiyi yanaşma fonunda ABŞ-la Avropa İttifaqı arasında yaxınlaşmanın baş verməsi üçün hər hansı bir şans yoxdur”.
Qaynarinfo-ya açıqlamasında bunu siyasi şərhçi Arif Əliyev "The Telegraph" qəzetinin politoloqu Mark Brolinin yanaşmasını şərh edərkən deyib:
"Yanaşmalar müxtəlif olur. Amma hər halda ABŞ Prezidenti Donald Trampın yenidən Avropa İttifaqı ilə yaxınlaşacağını əsaslandıran hər hansı bir faktı görmürəm”.
Ekspertin fikrincə, əksinə, tərəflər arasında problemlər daha da dərinləşir:
"Ticari, hərbi, Rusiya ilə münasibətlər məsələsində aralarında ciddi fikir ziddiyyətləri var. Yəni yanaşma tərzindəki fərqlər kəskin dərəcədə müxtəlif cəbhələrdən keçdiyindən, Trampla Avropa İttifaqı arasında yaxınlaşmanın baş verəcəyini sanmıram”.
Bununla belə, həmsöhbətimiz orta perspektivdə Vaşinqton Brüssel münasibətlərinin yenidən normallaşa biləcəyini də istisna etmir:
"Hər şey mümkündür. Yaxınlaşma yalnız orta perspektivdə mümkündür. Əvvəl-axır bu cür münasibətlər keçəcək. İstər Trampın, istərsə də başqasının dövründə, əvvəl-axır Vaşinqtonla Aİ-nin münasibətləri yenidən normallaşacaq. Çünki tərəflərin böyük strateji maraqları var ki, onları da heç kim ləğv etməyib və onlar dəyişməyib. Lakin indiki mərhələdə Trampın sərgilədiyi yanaşma tərzi fonunda tərəflərin yaxınlaşması üçün hər hansı bir şans görmürəm”.
Qeyd edək ki, The Telegraph qəzetinin geosiyasi strateqi, politoloq və köşə yazarı Mark Brolin yaxınlarda Trampla Avropa arasında buzların əriyəcəyini bildirib:
"Avropa ilə ABŞ prezidenti Donald Tramp arasındakı soyuqluq, çox güman ki, müvəqqəti olacaq. Amerika yenidən "Vəhşi Qərbə” – cəsarətli, fərdi maraqları üstün tutan və kompromissiz praqmatizminə qayıdır. Eyni zamanda Avropa texnokratik yanaşmaya ikiqat önəm verir”.
Ekspertin fikrincə, bazar qüvvələri də Trampı Avropa ilə ticarət müharibələrini kəskinləşdirməkdən çəkindirə bilər. Hər hansı ciddi proteksionizm siyasəti ABŞ biznesinə zərbə vuracaq və bu da administrasiyaya əlavə təzyiq yaradacaq.
Rüfət Sultan
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər