Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Qoz, yoxsa badam: Hansı beyin üçün hansı daha faydalıdır?
İnsanın qidalanması orqanizmin bütün funksiyalarına, o cümlədən beyin fəaliyyətinə birbaşa təsir edir. Mütəxəssislər bildirirlər ki, idrak qabiliyyətini və yaddaşı gücləndirmək istəyənlər qida rasionunda qoz-fındıq məhsullarına xüsusi yer ayırmalıdır.
Qaynarinfo-nun "Prevention" nəşrinə istinadən məlumatına görə, dietoloqlar qoz və badamın beyin sağlamlığına təsirini müqayisə edərək maraqlı nəticələrə gəliblər.
Qeyd olunur ki, qoz omeqa-3 yağ turşuları ilə zəngindir. Bu maddə beyində neyronlar arasındakı əlaqələrin möhkəmlənməsinə kömək edir və yaddaşın yaxşılaşmasına təsir göstərir. Bundan əlavə, qozun tərkibində olan polifenollar güclü antioksidant və iltihabəleyhinə təsirə malikdir. Araşdırmalar göstərir ki, qozun müntəzəm istifadəsi xüsusilə yaşlı insanlarda idrak zəifləməsinin qarşısını ala bilər.
Badam isə əsasən yüksək E vitamini ilə seçilir. Bu vitamin beyin hüceyrələrini zədələnmədən qoruyur və neyrodegenerativ xəstəliklərin riskini azalda bilər. Mütəxəssislərin sözlərinə görə, E vitamini çatışmazlığı demensiya riskinin artması ilə əlaqələndirilir.
Bununla yanaşı, alimlər qeyd edir ki, qoz və badamın beyin üçün faydası onların ürək-damar sağlamlığına müsbət təsiri ilə də bağlıdır. Ürək və beyin bir-biri ilə sıx əlaqəli olduğundan, ürəyi qoruyan qidalar eyni zamanda idrak funksiyalarını da dəstəkləyir.
Mütəxəssislər bildirirlər ki, hər iki qida faydalı olsa da, birbaşa beyin təsirinə görə qoz bir qədər üstün hesab olunur. Buna səbəb isə onun tərkibindəki omeqa-3 yağ turşularının daha güclü neyroprotektiv təsirə malik olmasıdır.
Sonda vurğulanır ki, ən yaxşı nəticə üçün qoz və badamı balanslı şəkildə gündəlik qidalanmaya daxil etmək tövsiyə olunur.
Günay
Oxşar xəbərlər
Gülüş ömrü necə uzadır? - Həkimin izahı
Sağlamlıq
01.04.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər