Məşhur model: "Övladlarıma görə karyeramı bitirdim"

Qaynarinfo xəbər verir ki, bu barədə o, "Daily Mail" nəşrinə danışıb.

"20 yaşlarımda həyatım karyera, rəqabət və uğura nail olmaq ətrafında qurulmuşdu. Lakin uşaqlarım doğulandan sonra hər şey dəyişdi. İndi ailəm ilə fəxr edirəm və övladlarımın sadə, təvazökar insanlar olması mənim üçün ən böyük dəyərdir. Onların rifahı mənim və həyat yoldaşımın əsas prioritetidir. Daha çox fotosessiya, moda nümayişi və layihələrdə iştirak edə bilərdim, amma iş və ailə ilə keçirdiyim zaman arasındakı tarazlıq mənim üçün daha vacibdir. Ailəm mənə ehtiyac duyduğu zaman onların yanında olmaq mənim üçün çox önəmlidir", deyə Şiffer bildirib.

Klaudiya Şiffer rejissor və prodüser Metyu Von ilə ailə qurub. Cütlük 2002-ci ildə İngiltərədə XIV əsrə aid kənd kilsəsində nikah mərasimi təşkil edib. Onların üç övladı var: Klementina, Kaspar və Kozima.

Son vaxtlarda Klaudiya Şifferin böyük qızı Klementina "Dior" moda nümayişində iştirak edib. O, qara dəri plaş, eyni rəngdə ayaqqabılar və hündür boğazlı top geyinərək diqqət çəkib. Pərəstişkarları onun anasına çox bənzədiyini və geyimdə çox təsirli göründüyünü vurğulayıblar.