Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
BYD ilk dəfə Avropada "Tesla"dan çox avtomobil satdı
Çin avtomobil istehsalçısı BYD Avropa bazarında ilk dəfə "Tesla"nı ötərək daha çox elektromobil satıb. Bu hadisə BYD-nin beynəlxalq bazarlara çıxış səylərində əlamətdar dönüş nöqtəsi kimi qiymətləndirilir.
Qaynarinfo "Financial Times"a istinadən xəbər verir ki, aprel ayında BYD Avropada 7 231 tam elektrikli avtomobil qeydiyyatdan keçirib, bu rəqəm "Tesla" üçün 7 165 olub.
"Bu, Avropa avtomobil bazarında dönüş nöqtəsidir. Xüsusilə nəzərə alsaq ki, "Tesla" illərdir burada elektrikli avtomobil bazarına rəhbərlik edirdi, BYD isə Norveç və Niderlanddan kənarda fəaliyyətə yalnız 2022-ci ilin sonunda başlamışdı", deyə avtomobil bazarını təhlil edən "Jato Dynamics" şirkətindən analitik Felipe Munyos bildirib.
"Tesla"nın Avropadakı satışları azalmağa davam edir, baxmayaraq ki, şirkət bu yaxınlarda "Model Y" modelini yeniləyib. Bu geriləmə Avropada "Renault", "Stellantis" və digər markaların daha münasib qiymətə yeni elektrik modelləri təqdim etməsi fonunda baş verir. Bu modellər Aİ-nin sərtləşdirilmiş emissiya qaydalarına uyğunluq məqsədi daşıyır.
Qlobal səviyyədə BYD artıq "Tesla"nı ötərək dünyanın ən böyük elektrikli avtomobil istehsalçısına çevrilib. Bu, əsasən Çindəki yüksək daxili tələbat hesabına baş verib. Lakin Avropada BYD hələ yenidir və onun sürətli irəliləyişi Qərb avtomobil istehsalçıları arasında narahatlıq yaradıb.
BYD və digər Çin şirkətləri Avropada model çeşidlərini genişləndirərək, xüsusilə hibrit modellərlə satışlarını artırıblar. Bu modellər Avropa İttifaqının yüksək gömrük tariflərinə məruz qalmır.
"Jato"nun məlumatına görə, aprel ayında Çin avtomobil istehsalçılarının Avropada istehsal etdiyi elektrik avtomobillərinin qeydiyyatı ötən illə müqayisədə 59% artaraq 15 300-ə çatıb. Hibrit avtomobil satışları isə təxminən 8 dəfə artaraq 9 649 ədədə yüksəlib.
"Tesla"nın satışlarına təsir edən tək amil bazar rəqabəti deyil. Şirkətin rəhbəri İlon Mask Avropada açıq şəkildə sağçı siyasi qüvvələri dəstəkləyib. Bu səbəbdən İspaniya baş naziri Pedro Sançes Maskı və onun tərəfdarlarını Avropa institutlarına hücumda, nifrət yaymaqda və insanları neonasistləri dəstəkləməyə çağırmaqda ittiham edib.
Bundan əlavə, məşhur musiqiçi Nil Yanq "Let’s Roll Again" adlı mahnısında Maskın fəaliyyətini sərt tənqid edərək onu faşist ideologiyası ilə müqayisə edib.
Bütün bu amillər "Tesla"nın nüfuzuna mənfi təsir göstərib və potensial alıcıların sayının azalmasına səbəb olub – xüsusilə də ABŞ-da.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər