Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Arxeoloqlar Stounhenc barədə inqilabi kəşf edib
Arxeoloqlar iddia edirlər ki, Stounhenc yaxınlığında yerləşən bir sıra "qeyri-adi" çuxurları insanlar qazıb.
Qaynarinfo xəbər verir ki, bu barədə "The Independent” yazır.
Darrinqton Çuxur dairəsinin əsl təbiəti 2020-ci ildə aşkarlandığı vaxtdan etibarən alimlər arasında mübahisələr doğurub. Lakin obyektin yeni elmi metodlarla aparılan analizi bu çuxurların ehtimal ki, təbiət nəticəsində deyil, məqsədli şəkildə fəaliyyət göstərən qədim insanların əl işi olduğunu göstərib.
Stounhencdən cəmi bir neçə kilometr şimal-şərqdə yerləşən Darrinqton-Volls hencini əhatə edən 20 çuxurdan ibarət bu "böyük quruluş” indi "böyük və bu günə qədər unikal neolit çuxur kompleksi”nin bir hissəsi hesab olunur.
"Internet Archaeology” jurnalında dərc olunan məqalədə bu quruluşun necə və nə zaman formalaşdığını müəyyən etmək üçün 16 çuxur "nümunəsi” təhlil edilib. Lakin onların iri ölçüsünə görə arxeoloqlar nəticə əldə etmək üçün yeni metodlara müraciət etməli olublar. Elektrik rezistiv tomoqrafiyası çuxurların dərinliyini qiymətləndirməyə, radar və maqnitometriya isə onların formasını araşdırmağa imkan verib.
Çuxurların necə yarandığını müəyyənləşdirmək üçün tədqiqatçılar çöküntü nüvələri çıxarıb və torpağın günəş işığına son dəfə məruz qaldığı dövrü müəyyənləşdirən optik stimullaşdırılmış luminessensiya üsulundan, həmçinin torpaqdan heyvan və bitki DNT-sini çıxarmağa imkan verən sedDNA metodundan istifadə ediblər.
Ən vacibi isə odur ki, sahənin müxtəlif hissələrindən götürülmüş torpaq nümunələrində təkrarlanan naxışlar aşkarlanıb. Alimlərin fikrincə, bu, insan müdaxiləsinin sübutudur.
Bredford Universitetinin Arxeologiya və Məhkəmə Ekspertizası Məktəbinin professoru Vinsent Qaffni, araşdırmaya rəhbərlik edən şəxs olaraq, hasil olunan məlumatların çuxurların "qeyri-adi quruluş” təşkil etdiyini və ehtimalən gec neolit dövründə tikildiyini göstərdiyini bildirib. O, təkrarlanan naxışlarla bağlı deyib:
"Onlar təbii yolla yarana bilməz. Bu, sadəcə mümkün deyil. Biz düşünürük ki, məqsədimizə çatmışıq... İndi çuxurların quruluş olduğunu dəqiqləşdirdiyimizə görə, həmin dövrün insanlarının kosmologiyasını torpaqda əvvəllər görmədiyimiz şəkildə əks etdirən nəhəng bir abidə ilə üz-üzəyik. Əgər bu, Britaniyanın harasında baş verə biləcəksə, məhz Stounhencdə baş verəcək".
Stounhenc - İngiltərədə qədim abidə. Stounhenc daşları İngiltərənin Uitşir qraflığında, Londondan 130 km cənub - qərbdə yerləşir. Bu abidə 1986-cı ildə UNESCO-nun Ümumdünya İrsi Siyahısına salınıb.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər