ABŞ prezidenti Donald Tramp çərşənbə günündən bəri ictimaiyyət arasında görünməyib və bu vəziyyət sosial media istifadəçiləri arasında böyük maraq və spekulyasiyaya səbəb oldub.

Qaynarinfo xəbər verir ki, 79 yaşlı Trampın "itkin düşməsi" onun sağlamlıq vəziyyəti və gələcək günlərdəki ictimai tədbirlərlə bağlı sualları gündəmə gətirib. Bəs Tramp haradadır?

Bəzi sosial media istifadəçiləri Trampın "qəfil itkin düşdüyünü" irəli sürərkən, Ağ Evdən bu mövzuda heç bir rəsmi açıqlama verilməyib. "Roll Call"a görə, Trampın 30 və 31 avqustdakı proqramının olmaması bu spekulyasiyaları daha da alovlandırıb.

Tramp X platformasında "itkin düşməsi" ilə bağlı bir çox paylaşımın mərkəzində yer alıb. Bir çox istifadəçi "Donald Tramp çərşənbə günündən bəri heç yerdə görünməyib, növbəti iki gün də proqramı yoxdur, nə baş verir?" şəklində narahatlıq ifadə edib. Lakin Tramp onlayn olaraq hələ də "Truth Social" platformasında aktiv şəkildə paylaşımlar etməyə davam edir.

Trampın Əmək Bayramı tətili ərzində Nyu Cersi ştatının Bedminster şəhərində tətil planları olması gözlənilirdi, lakin "Washington Times"ın bildirdiyinə görə, o bu planları ləğv edib və Ağ Evdə qalmağı üstün tutub. Sosial mediadakı spekulyasiyaların arxasında Trampın sağlamlıq vəziyyəti ilə bağlı narahatlıqlar da yer alır. Prezidentin əlində görülən göyərtilər sağlamlıqla bağlı narahatlıqları gündəmə gətirib.

Həkimi Şon Barbabella göyərtilərin tez-tez əl sıxma və ürək sağlamlığını qorumaq üçün aldığı aspirin istifadəsi səbəbindən yarandığını bildirərək, Trampın zehni və fiziki sağlamlığının olduqca yaxşı olduğunu ifadə edib. Bundan əlavə, Ağ Ev sözçüsü Karolin Levitt Trampın tarixboyu hər hansı bir prezidentdən daha çox amerikalı ilə görüşdüyünü və əl sıxdığını bildirərək, onun sağlamlıq vəziyyətinin xroniki venoz çatışmazlıqla bağlı olduğunu bildirib.

Xroniki venoz çatışmazlığı nədir?

Xroniki venoz çatışmazlığı ayaqlardakı venaların qanı ürəyə kifayət qədər yaxşı ötürə bilməməsi nəticəsində yaranan bir xəstəlikdir. Bu vəziyyət ölümcül olmamasına baxmayaraq, həyat keyfiyyətini aşağı sala bilər. Xəstəlik hər 20 böyükdən birində görülə bilən bir narahatlıq olub, yaş artdıqca riski artır. Ayaq biləklərində şiş, dəridə rəng dəyişikliyi, qaşınma, yorğunluq hissi, kramp və qaşınma kimi əlamətlərlə özünü göstərə bilər.

Müalicə üsulları

İlk mərhələlərdə idman, çəki nəzarəti, ayaqları yuxarıda saxlamaq və kompressiya corabları kimi sadə tədbirlər tövsiyə olunur. İrəliləmiş hallarda isə dərman müalicəsi və ya kiçik cərrahi müdaxilələr tətbiq oluna bilər.

Qeyd edək ki, vitse-prezident Cey Di Vens Trampın sağlamlığının yaxşı olduğunu bildirərək "Dəhşətli bir faciə baş verərsə, prezident səlahiyyətlərini üzrəmi götürməyə hazıram" deyib. Trampın sağlamlığı ilə bağlı qeyri-müəyyənliklər hələ də davam edərkən, bu açıqlamalar diqqət çəkib.

Aydın