“Sinan Oğan praqmatikdir, bu addımı ilə…” - Ekspert

 

 

Ekspertə görə, mayın 29-da Oğan heç kimə lazım olmayan bir şəxs olacaq:

 

"Necə ki, 3 ay əvvələ qədər heç kimin yadına düşmürdü. Bu səbəbdən də Oğan indiki seckidəki "qazancı" vasitəsilə növbəti seçkilər üçün sərmayə qoydu”. 

Həmsöhbətimiz güman edir ki, Sinan Oğan hakimiyyətlə əldə etdiyi razılaşmanın verdiyi imkanlar sayəsində yeni partiya quracaq və böyük siyasətə daxil olacaq: "Növbəti seçkilərə hazırlaşacaq. Siyasətdə 5 il qısa bir dövrdür. Oğan isə gəncdir. Üstəlik köhnə nəsil bu seçkilərdən sonra siyasətdən gedəcək, növbəti seçkilərə Oğanla tay-tuş siyasətçilər gedəcək. Fikrimcə, Sinan Oğan məhz, bunları düşünərək sözügedən addımı atdı. Bu arada qərarda Bakının da rolunun olduğu qeyd edilir. Əlbəttə, bu da Sinan Oğan üçün əlavə bir dividentdir”. 

Qeyd edək ki, mayın 22-də Türkiyədə "ATA İttifaqı”nın namizədi Sinan Oğan prezident seçkilərinin ikinci turunda dəstəkləyəcəyi namizədin adını açıqlayıb. Sinan Oğan "Cümhur İttifaqı”nın namizədi, hazırkı dövlət başçısı Rəcəb Tayyib Ərdoğanı dəstəkləyəcəyini bəyan edib. Sinan Oğan seçkinin birinci turunda 5,17 faiz səs toplayıb.