Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
23:45
Direktor işdən çıxarıldı
Məşhur Çinli milyarder-dissident ABŞ-da dələduzluqda təqsirli bilindi
Dünən, iyulun 16-da axşam saatlarında Manhetten Federal Məhkəməsinin andlılar heyəti tanınmış çinli iş adamı Qo Venquyu təxminən 1 milyard dollarlıq dələduzluqda təqsirli bilib.
Qaynarinfo xəbər verir ki, bu barədə CNN məlumat yayıb.
O, sui-qəsd, qiymətli kağızlarla fırıldaqçılıq, elektron fırıldaqçılıq və çirkli pulların yuyulması da daxil olmaqla 12 ittihamdan 9-da təqsirli bilinib. Hökm noyabrın 19-da çıxarılacaq. Hüquqşünasların fikrincə, müddət bir neçə onilliklər ola bilər.
2000-ci illərin əvvəllərində Qo Venquy Pekinin ən böyük tikinti maqnatlarından və Çinin ən zəngin adamlarından biri olub. Onun şirkəti digər işlərlə yanaşı, 2008-ci il Olimpiadası üçün əjdaha şəklində "Pangu Plaza” yaşayış və kommersiya binaları kompleksini tikib. Lakin 2014-cü ildə o, ölkədən ABŞ-a qaçıb və oradan Çin hakimiyyətini fəal şəkildə tənqid etməyə və yüksək çinli məmurları korrupsiyada ittiham etməyə başlayıb.
ABŞ-da Qo Venquy bir çox mühafizəkar siyasətçilərlə, o cümlədən Donald Trampın keçmiş strateji müşaviri Stiven Bennonla əlaqələr qurub. Stiven Bennon özü də hazırda istintaq altındadır; 2022-ci ildə o, 2021-ci il yanvarın 6-da Kapitoliyə hücumla bağlı Konqresə ifadə verməkdən imtina etdiyi üçün 4 aylıq həbs cəzasına məhkum edilib. Apellyasiya şikayəti rədd edildikdən sonra Stiven Bennon iyulun əvvəlindən federal həbsxanada dörd aylıq həbs cəzasını çəkməyə başlayıb.
Nizami Bağırov
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər