Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
İran müharibəsi NATO-nun Rusiya ilə mümkün döyüş üçün 5 əsas zəifliyini üzə çıxardı - KİV
Avropalı rəsmilər və hərbi ekspertlər xəbərdarlıq edirlər ki, Moskva NATO ölkələrinə yaxın zamanda hücum edə bilər. Eyni zamanda İranda baş verən müharibə Alyansın müdafiəsində Rusiya ilə qarşıdurma zamanı ciddi problemlər yarada biləcək 5 əsas zəifliyi üzə çıxarıb.
Qaynarinfo xəbər verir ki, bu barədə "Politico” yazır.
1. Sursat çatışmazlığı
ABŞ kritik "Patriot” zenit raketlərinin ehtiyatının təxminən yarısını istifadə edib. Fransa rəsmiləri isə "Aster” və "Mica” raketlərində artıq müharibənin ilk iki həftəsində çatışmazlıq riskindən danışıb. ABŞ-ın diqqətini Hind-Sakit okean regionuna yönəltməsi Avropadakı resursları daha da azalda bilər.
RUSI-nin əməkdaşı Castin Bronk bildirir ki, Rusiya ayda 6000–7000 dron istehsal etdiyi halda NATO bir neçə həftə ərzində yüksək effektiv hava müdafiə raketlərində ciddi qıtlıqla üzləşə bilər. O, daha ucuz alternativlərin və passiv müdafiənin gücləndirilməsini təklif edir.
2. Hava üstünlüyünün olmaması
ABŞ-ın İranda həyata keçirdiyi hava əməliyyatlarına baxmayaraq, İranın raket və dron hücumlarını davam etdirməsi göstərir ki, təkcə bombardmanla bir ölkəni təslim etməyə məcbur etmək mümkün deyil.
Mütəxəssislər NATO-nun hava üstünlüyü konsepsiyasını yenidən düşünməli olduğunu bildirir və uzaqmənzilli dəqiq zərbə sistemlərinə daha çox investisiya edilməsini təklif edirlər.
3. Zəif dəniz qüvvələri
Britaniya nümunəsi göstərir ki, NATO donanmasında döyüş hazırlığı zəifləyib. HMS Dragon esminesinin texniki nasazlıq səbəbindən geri qaytarılması buna misaldır.
Ekspertlər bildirir ki, Rusiya ilə mümkün müharibədə NATO-nun donanması həm sualtı qayıqlarla mübarizə, həm də uzaqmənzilli "Kalibr” raketləri daşıyan gəmilərə qarşı mühüm rol oynayacaq.
4. Alyans daxilində parçalanma
Müharibə NATO daxilində siyasi fikir ayrılıqlarını artırıb. Avropa ölkələrinin ABŞ-ın mövqeləri ilə razılaşmaması Vaşinqtonun gələcəkdə müdaxiləni məhdudlaşdıra biləcəyi ehtimalını yaradır.
Keçmiş NATO baş katibi Anders Foq Rasmussen isə Avropanın ABŞ-la daha "transaksional” (qarşılıqlı şərtlərə əsaslanan) əməkdaşlıq modelinə keçməsini təklif edir.
5. Ukraynanın rolu
Mütəxəssislərə görə, NATO Ukrayna ilə hərbi sənaye əməkdaşlığını gücləndirməlidir. Ukrayna artıq dronlara qarşı müdafiə sistemlərinin inkişafında "təhlükəsizlik təminatçısı” rolunu oynayır.
NATO diplomatları hesab edir ki, Rusiya sərhədi yaxınlığında dron əleyhinə "müdafiə zolağı” yaradılması vacibdir.
Nəticə olaraq, İrandakı müharibə NATO üçün həm texnoloji, həm də siyasi zəiflikləri üzə çıxarıb və Rusiya ilə mümkün qarşıdurmaya hazırlığın hələ tam olmadığını göstərir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər