Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
12:47
Sabahın hava proqnozu
Ermənistana Rusiyadan ciddi xəbərdarlıq: Miroşnikinin İrəvandakı açıqlaması (ŞƏRH)
"Bu, çəkindirici xarakter daşıyan bir xəbərdarlıqdır, barmaq silkələməkdir".
Bunu Qaynarinfo-ya açıqlamasında politoloq Natiq Miri Rusiya XİN-in xüsusi tapşırıqlar üzrə səfiri Rodion Miroşnikinin Avropa İttifaqı və NATO-ya üzv olmağa çalışan Ukraynanı misal göstərərək dolayısı ilə eyni yolu seçən Ermənistanı hədələməsinə münasibət bildirərkən deyib.
Həmsöhbətimizin fikrincə, Moskva Ukraynanı model olaraq ona görə göstərir ki, Kiyevin NATO-ya qəbul olunmamasının yeganə səbəbi Rusiyadır:
"İrəvana, Avropa ilə quru sərhədləri olan Ukrayna NATO-ya qəbul olunmursa, onların da bu yöndə düşünməli olduğu xəbərdarlığı edilir".
Rusiyanın, Ermənistan sözə baxmasa, ona qarşı birbaşa hərbi müdaxilə etməsi məsələsinə gəldikdə, ekspert bunu istisna edir:
"Hərbi müdaxilə üçün ciddi səbəblərə ehtiyac var. Ukraynada Rusiya özünün təhlükəsizliyi kontekstində hərəkət etdiyini bildirir. Ancaq Ermənistanda belə bir məsələ yoxdur. Ermənistanın Rusiya ilə quru sərhədləri mövcud deyil. Ona görə birbaşa hərbi müdaxilə gözlənilmir".
Politoloq qeyd edir ki, Rusiya Paşinyanı devirmək məsələsini ölkədəki "5-ci kolona” həvalə edib:
"Rusiya Ermənistandakı "5-ci kolon”u vasitəsilə mövcud hakimiyyəti devirməyə, ona ciddi təzyiq etməyə çalışır. Yəni Kreml hələlik Ermənistan daxilindəki təsir və təzyiq imkanlarından istifadə edir. Gümrü və Parakarda keçirilən son yerli seçkilər göstərdi ki, ayrı-ayrılıqda mövcud olan müxaliflər birləşərsə, hakimiyyəti məğlub edə bilər. Bu da Moskvanı ruhlandıran məsələdir. Paşinyan da bu müstəvidə payıza doğru partiyası daxilində və hökumətdə ciddi kadr dəyişikliklərinin olacağı anonsunu verib”.
Natiq Miri düşünür ki, Moskva İrəvana qarşı iqtisadi yöndə təzyiqlərə əl atmağa da tələsməyəcək:
"Çünki Rusiya son ana qədər Ermənistanla bütün körpüləri yandırmaq fikrində deyil və Paşinyan hakimiyyətinin müvəqqəti olduğunu düşünür. Rusiyada bu gözlənti var. Ona görə də Kreml ermənilərin Rusiyadan kütləvi qovulması qərarını da verməyəcək. Kremldə inanırlar ki, Gürcüstan kimi İrəvan da vaxtı çatanda Qərbə inteqrasiyaya son qoyacaq. Ermənistanın özü də Moskva ilə bütün körpüləri yandırmır”.
Qeyd edək ki, Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnikin İrəvandakı açıqlaması maraqla qarşılanıb. Kreml rəsmisi bu ölkənin eyni anda həm KTMT və Avrasiya İqtisadi İttifaqı (Aİİ), həm də Avropa İttifaqına (Aİ) üzvlüyünün mümkün olmadığını bildirib.
Yəni Miroşnik Aİ və NATO-ya üzv olmaq istəyən Ukraynanı misal göstərərək dolayı yolla Ermənistanı hədələyib.
Rüfət Sultan
Oxşar xəbərlər
Şavkat Mirziyoyev İlham Əliyevə zəng etdi
Siyasət
05.04.2025
Prezident qəbullar keçirdi (YENİLƏNİB)
Siyasət
04.04.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər