Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Aviasiya yanacaq böhranı ilə üzləşir: Biletlər bahalaşır, uçuşlar azaldılır
Dünya aviaşirkətləri yanacaq qiymətlərinin kəskin artması səbəbilə biletləri bahalaşdırmağa və reyslərin sayını azaltmağa başlayıb. Eyni zamanda sektorun gələcək gəlirliliyi sərnişin tələbinin necə dəyişəcəyindən asılıdır.
Qaynarinfo xəbər verir ki, bu barədə "Reuters” yazır.
ABŞ, İsrail və İran arasında münaqişədən əvvəl aviasiya sektoru 2026-cı ildə 41 milyard dollar rekord mənfəət gözləyirdi. Lakin aviasiya yanacağının qiymətinin iki dəfə artması bu proqnozları təhlükə altına salıb və şirkətləri marşrut və strategiyalara yenidən baxmağa məcbur edib.
"United Airlines", "Air New Zealand" və SAS kimi aviaşirkətlər artıq reysləri azaldıb və tarifləri artırıb, digərləri isə yanacaq əlavə ödənişləri tətbiq edib.
"Aviaşirkətlər ekzistensial çağırışla üz-üzədir. Onlar zəif tələbi stimullaşdırmaq üçün qiymətləri aşağı salmalı, eyni zamanda artan yanacaq xərclərinə görə qiymətləri qaldırmalı olurlar. Bu, ideal fırtınadır”, deyə keçmiş "Olympic Airways" rəhbəri Riqas Doqanis bildirib.
Keçən il aviasiya sektoru pandemiyadan əvvəlki səviyyədən 9% yüksək sərnişin axını qeydə alıb. Lakin yeni təyyarələrin çatdırılmasındakı gecikmələr və təchizat zənciri problemləri vəziyyəti çətinləşdirir.
Yüksək tələbat və məhdud təklif aviaşirkətlərə qiymətləri yüksək saxlamağa imkan verirdi. Lakin yanacağın bahalaşması artıq sərnişinlər üzərində əlavə təzyiq yaradır və bu, tələbin azalmasına səbəb ola bilər.
"Barclays"in nəqliyyat araşdırmaları şöbəsindən Endryu Lobbenberq bildirib ki, yeganə çıxış yolu tutumun azaldılması ola bilər.
"United Airlines" rəhbəri Skott Kirbi isə yanacaq xərclərini kompensasiya etmək üçün biletlərin təxminən 20% bahalaşmalı olduğunu deyib.
Ən çox ucuz aviaşirkətlər zərər görə bilər, çünki onların müştəriləri qiymət dəyişikliklərinə daha həssasdır. Analitiklər bəzi sərnişinlərin qısa məsafəli uçuşlardan imtina edib qatar və avtobus kimi alternativlərə keçə biləcəyini bildirir.
Yeni yanacağa qənaət edən təyyarələr xərcləri azalda bilər, lakin təchizat çatışmazlığı bu prosesi gecikdirir.
IBA konsaltinq şirkətindən Den Teylor isə böhranın güclü və zəif aviaşirkətlər arasındakı fərqi daha da artıracağını qeyd edib: "Maliyyə baxımından güclü aviaşirkətlər bu təzyiqə tab gətirə biləcək. Zəif şirkətlər isə artan maliyyə çətinliyi ilə üzləşə bilər".
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər