Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
1724-cü ildə yerə düşən meteoritdə unikal xüsusiyyətlərə malik material tapıldı
Alimlər qeyri-adi kristal-şüşə istilik xüsusiyyətlərinə malik materialın mövcudluğunu təsdiqləyiblər. Bu material 1724-cü ildə Almaniyanın Ştaynbaş bölgəsinə düşən meteoritin tərkibində aşkarlanıb.
Qaynarinfo xəbər verir ki, bu barədə "Interesting Engineering" məlumat yayıb.
Söhbət silisium dioksidinin nadir forması olan tridimitdən gedir. Kolumbiya Universitetinin Fu Fondunun mühəndislik və tətbiqi elmlər fakültəsinin alimləri apardıqları araşdırmada bildiriblər ki, bu material istilik keçiriciliyinin ənənəvi qaydalarına tabe olmur.
Tədqiqatçılar qeyd ediblər ki, tridimit geniş temperatur intervalında sabit istilik keçiriciliyini saxlayır. Bu xüsusiyyət elektron qurğuların və aerokosmik sənayenin inkişafı üçün faydalı ola bilər.
Xatırladılıb ki, adətən kristalların istilik keçiriciliyi temperatur artdıqca azalır, şüşə isə əksinə – qızdıqca daha yaxşı keçirici olur. Bu kəskin fərq uzun illərdir ki, istilik tənzimləməsinin vacib olduğu sahələr üçün materialların optimallaşdırılmasına mane olurdu.
Alimlər tridimitin istilik keçiriciliyinin temperaturdan asılı olmayaraq sabit qalacağını ehtimal ediblər. Bu fərziyyəni yoxlamaq üçün onlar 1724-cü ildə Almaniyanın Ştaynbaş bölgəsinə düşən meteoritdən götürülmüş tridimit nümunəsi ilə təcrübələr aparıblar.
Təcrübələrin nəticələri alimlərin hipotezini təsdiqləyib: tridimitin atom strukturu kristal ilə şüşə arasında aralıq vəziyyətdədir və onun istilik keçiriciliyi 80 ilə 380 kelvin arasında praktiki olaraq dəyişməz qalır.
Bundan əlavə, tridimitin Marsda da aşkarlandığı vurğulanıb. Onun xüsusiyyətlərinin öyrənilməsi planetin istilik tarixi barədə mühüm məlumatlar verə bilər.
Aydın
Oxşar xəbərlər
Dünyanın ən uzun şimşəyi ABŞ üzərində çaxıb
Dünya
01.08.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər