Niyə telefonu qış gödəkçəsinin cibinə qoymamalısınız: gözlənilməz nəticə

Təqvim qışının başlamasına bir neçə həftə qalıb.

Çox güman ki, tezliklə şaxtalı və qarlı bir dövr başlayacaq.

Lent.az xarici KİV-ə istinadla soyuq mövsüm başlamazdan əvvəl mobil cihazdan istifadə üçün bir vacib qaydanı xatırladır.

Çölə çıxmazdan əvvəl qışda smartfonunuzu adətən hara qoyduğunuzu xatırlayın.

Gödəkçənin cibinə? Bilin: böyük səhv edirsiniz.

Niyə telefonunuzu qış gödəkçənizin cibində saxlaya bilmirsiniz?

Təəssüf ki, qış geyim cibləri mobil cihazları saxlamaq üçün uyğun deyil.

Belə yerlər qadcetlərə aşağı temperaturdan 100 faiz qorunma təmin etmir.

Smartfonunuzu həqiqətən şaxtadan qorumaq istəyirsiniz? O zaman telefonunuzu çantanıza qoyun!

Əgər siz hələ də tövsiyəyə məhəl qoymursanız və cib telefonunuzu gödəkçənizin cibində saxlasanız, cihaz temperatur dəyişikliyi ilə qarşılaşacaq.

Birincisi, şaxta qadcetə təsir göstərməyə başlayacaq. Otağa girəndə isə telefon istiliyə məruz qalacaq.

Temperatur dəyişikliklərinin daimi təkrarlanması batareyaya mənfi təsir göstərir: tutumunu itirir və çox tez boşalmağa başlayır.

Daha bir vacib tövsiyə: əgər siz smartfonunuzu qış gödəkçənizin cibinə qoyursunuzsa, heç olmasa evə qayıtdıqdan sonra cihazı doldurmağa tələsməyin. Ən azı 30 dəqiqə gözləyin: mobil telefonun otaq temperaturuna "alışmasına” imkan verin.