Kirayə avtomobili sürücülük vəsiqəsi olmadan idarə edib qəza törətdi - Məsuliyyəti kim daşıyır? (VİDEO)

17 yaşlı yeniyetmənin kirayə götürdüyü avtomobillə qəza törətdiyi iddia olunur....

Paytaxtın Suraxanı rayonunun Yeni Günəşli qəsəbəsində avtomobil idarəetməni itirərək ərazidə dayanan bir neçə nəqliyyat vasitəsinə çırpılıb..

Sosial şəbəkələrdə yayılan görüntülərdə avtomobilinə zərər dəyən şəxs  bildirib ki,  17 yaşlı sürücü idarəetməni itirib və kirayə olan avtomobili  bir neçə maşınla toqquşdurub. İdarəetməni itirən nəqliyyat vasitəsinin vurduğu avtomobil polis bölməsinin divarına da çırpılıb.

Bəs Azərbaycanda kirayə maşın kimlərə verilir?

Avtomobil icarədarlarının sözlərinə görə, avtomobili 20- dən çox yaşı və bir neçə il sürücülük təcrübəsi olanlara verirlər.

Nəqliyyat Eksperti Eldəniz Cəfərov isə bildirir ki əgər qəza kirayəçinin diqqətsizliyi, sürət həddini aşması, yol hərəkəti qaydalarını pozması və ya digər səbəblərdən baş veribsə, kirayəçi tam məsuliyyət daşıyır.

Ekspert onu da əlavə edib ki, əgər avtomobili kirayə götürən şəxs onu idarə etmək üçün 3-cü bir şəxsə verirsə belə olan halda həmin şəxsi qanunvericiliyin müvafiq maddələri ilə cərimə gözləyir.

Xezerxeber.az mövzu ilə bağlı daha ətraflı videomaterialı təqdim edir.