Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Çində yeni insan növü: Homo juluensis nədir?
Alimlər Çində tapılmış bir fosilə əsaslanaraq Homo juluensis adını verdikləri yeni bir arxaik insan növü aşkar edildiyini elan ediblər. Fosilin xüsusiyyətləri göstərir ki, bu populyasiya müxtəlif hominin növləri arasında genetik mübadilə nəticəsində yaranıb və Asiyadakı insan təkamülündə hibridizasiyanın mühüm rol oynadığını təsdiq edir.
Qaynarinfo-nun məlumatına görə, araşdırmalar göstərir ki, Şərqi Asiyadakı Geç Kvaterner dövrünə aid insan fosilləri əvvəllər düşünüləndən daha çox morfoloji müxtəliflik nümayiş etdirir. Son illərdə aparılan tədqiqatlar bu bölgədə yalnız bir deyil, bir neçə insan növünün mövcud olduğunu üzə çıxarıb. Bu yeni növlər arasında Homo floresiensis, Homo luzonensis, Homo longi və ən son olaraq Homo juluensis yer alır.
Alimlər Çinin şimalındakı Suciyao və Syuçanq bölgələrində tapılan fosillərə əsaslanaraq bu yeni növü müəyyən ediblər. Bu kəşf, təxminən 300 min ilə 50 min il əvvəl Orta Pleyistosen dövründə hominin müxtəlifliyini daha dəqiq anlamağa imkan yaradır.
Homo juluensis-in xüsusiyyətləri
O, təxminən 220 min ilə 100 min il əvvəl yaşayıb. Böyük beyin həcmi və qalın sümük strukturları ilə seçilir. Suciyao bölgəsində aparılan qazıntılar nəticəsində bu növə aid 10 fərdin fosili və 10 mindən çox daş alət aşkarlanıb.
Fosillərin xüsusiyyətləri bu populyasiyanın fərqli hominin növləri arasında genetik mübadilə nəticəsində yarandığını göstərir. İnsan təkamülü və yeni növün əhəmiyyəti
Homo sapiens təxminən 300 min il əvvəl təkamül etmiş və Afrikadan Avropa və Asiyaya yayılmışdır. Lakin müasir insandan əvvəl mövcud olmuş hominin növlərinin təkamülü hələ də tam aydın deyil. Xüsusilə 700 min ilə 300 min il arasında mövcud olmuş homininlərin təsnifatı alimlər arasında mübahisələrə səbəb olur.
2023-cü ildə Havay Universitetindən Kristofer Bey və Çin Elmlər Akademiyasından Syu Çey Vu Suciyaoda tapılmış hominin fosillərini araşdıraraq bu fərdləri Homo juluensis kimi adlandırmağa qərar veriblər. Fosillər müasir insanlara, Denisovalılara və Neandertallara xas xüsusiyyətləri ilə diqqət çəkir.
Alimlərin fikirləri və müzakirələr
Londondakı Təbii Tarix Muzeyindən Kris Stringer bu növün Homo longi ilə oxşarlıq göstərə biləcəyini qeyd edib. Viskonsin Universitetindən paleoantropoloq Con Houks isə bu adlandırmanın fosil məlumatlarının daha yaxşı təsnif edilməsinə kömək edəcəyini bildirib.
Syu Çey Vu isə yeni növ adlandırmasının Asiyadakı fosil məlumatlarını dəqiqləşdirdiyini və elmi əlaqəni asanlaşdırdığını vurğulayıb.
Aydın
Oxşar xəbərlər
Bakıda yağış, dağlıq rayonlarda qar yağacaq
Ölkə
26.12.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər