Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
BMT Trampın Qəzza planını təsdiqlədi: İsrail razıdır, HƏMAS isə susur
BMT Təhlükəsizlik Şurası ABŞ-ın təklif etdiyi və prezident Donald Trampın dəstəklədiyi Qəzza planını 13 səslə təsdiqləyib. Rusiya və Çin bitərəf qalıb. Qətnamə bölgədə uzunmüddətli sabitlik yaratmağı və müharibə sonrası Qəzzanın yenidən qurulması prosesini beynəlxalq nəzarət altına almağı hədəfləyir.
Qaynarinfo "Newsweek”ə istinadla xəbər verir ki, qəbul edilən sənəd Tramp administrasiyasının 20 maddəlik Qəzza təklifini rəsmən beynəlxalq hüquqi çərçivəyə salır. Plan Qəzzada "Keçid Sülh Şurası”nın (Board of Peace) yaradılmasını, həmçinin bölgəyə beynəlxalq sabitləşdirici qüvvələrin yerləşdirilməsini nəzərdə tutur.
İsrail kabineti artıq Trampın planına razılıq verib və onu "qarşılıqlı girov buraxılışına və mərhələli sabitliyə aparan yeganə yol” kimi qiymətləndirib. HƏMAS isə hələlik planla bağlı rəsmi mövqe elan etməyib, baxmayaraq ki, Qətnamə hər iki tərəfi atəşkəsə doğru yönəltməyə hesablanıb.
Sənəddə bir neçə əsas element yer alır:
•Qəzzada beynəlxalq təhlükəsizlik qüvvələrinin yerləşdirilməsi
•Silahların tam nəzarət altına alınması və HƏMAS-ın hərbi infrastrukturunun ləğvi
•Humanitar koridorların genişləndirilməsi
•Qəzzanın yenidən qurulması üçün beynəlxalq fondun yaradılması
•Girovların mərhələli şəkildə azad olunması
"Newsweek” yazır ki, bu təşəbbüs Qəzzadakı idarəçiliyin gələcəyi ilə bağlı Trampın ən ambisiyalı planı hesab olunur.
Ağ Ev bildirib ki, BMT-nin qərarı "müharibəyə davamlı siyasi həll tapmaq üçün tarixi şansdır”. Sənəd həmçinin Yaxın Şərqdə qeyri-sabitliyi azaltmağa yönəldilmiş regional mexanizmlərin qurulmasını nəzərdə tutur.
Bəzi ərəb dövlətləri planı ehtiyatlı şəkildə dəstəkləsə də, İran və onun müttəfiqləri sənədi "Vaşinqtonun geosiyasi layihəsi” adlandıraraq tənqid ediblər.
Alpər
Oxşar xəbərlər
Zelenski sabah Türkiyəyə gedir
Dünya
18.11.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər