Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
İspan otelləri "hər şey daxil"dən "altı içki qaydası"na keçir: Bu, turistlərə necə təsir edəcək?
Son illər İspaniyanın məşhur şəhərlərinin sakinləri kütləvi şəkildə turistlərdən narazılıq edir. İspanlar gileylənirlər ki, istirahət edənlər onları sərfəli mənzillərdən uzaq salır, həmçinin gecələr sərxoş halda küçələrdə dolaşaraq yuxularını pozurlar. Vəziyyət bu yay, bir çox şəhərlərdə çox aqressiv etirazların keçirildiyi zaman kulminasiya nöqtəsinə çatrıb.
Bütün bunlar yerli hakimiyyət orqanlarını hərəkətə keçməyə məcbur edib. Məsələn, artıq Barselona və Kanar adalarında turistlər tərəfindən qısamüddətli mənzil kirayəsi ilə bağlı məhdudiyyətlər tətbiq etmək qərarına gəliblər. Bu arada, bir çox ispan "hər şey daxil" otellərində sərxoşluqla mübarizə üçün "altı içki qaydası" adlanan qaydanı tətbiq etməyə başlayıb.
Qaynarinfo xəbər verir ki, bu barədə "Daily Express" yazıb.
"CW Real Estate Ibiza" şirkətinin baş direktoru Kristian Volff deyib: "İçki içmək bir çox ölkələrdə adi bir təcrübə olsa da, İspaniyada insanlar vaxtlarını içki ilə keçirməyi sevirlər".
Onun sözlərinə görə, həddindən artıq spirtli içki qəbulunun nəticələri İspaniyada bir çox yerli sakinə problem yaradır. Üstəlik, sərxoş insanlarla məşğul olmaq məcburiyyətində qaldıqları üçün təcili yardım xidmətlərinin də işini gərginləşdirir.
"Turistlər tez-tez İspaniyaya əylənməyə gəlirlər, lakin burada içki içməyin o qədər də qəbul edilmədiyini dərk etmirlər. Zövq almaq vacibdir, lakin həddindən artıq içki içmək ictimai iğtişaşlara, əmlakın zədələnməsinə və yerli sakinlərlə münasibətlərin gərginləşməsinə səbəb ola bilər", deyə o əlavə edib.
Buna görə də bir çox "hər şey daxil" otellər indi qonaqları üçün menyunu gündə cəmi altı spirtli içki ilə məhdudlaşdırır. Tədbir istirahət edənlərin erkən içkiyə başlamasının və axşam saatlarına qədər davam etməsinin qarşısını almaq məqsədi daşıyır.
"Bu qaydanın effektiv olub-olmayacağını və daha çox otelin onu qəbul edib-etməyəcəyini, yoxsa sadəcə qısa müddətə bitəcəyini zaman göstərəcək", deyə Volf bildirib.
O, həmçinin izah edib ki, yerli sakinlər əslində turistlərin əylənməsini istəyirlər, lakin yerli sakinlərə və onların əmlakına hörmətlə yanaşmaq üçün incə bir xətt var.
Volf həmçinin əlavə edib ki, ispanların əyləncəyə yanaşması çox vaxt tapas və kiçik yeməklərlə müşayiət olunan bir neçə saat ərzində bir neçə içkidən həzz almağı əhatə edir:
"Beləliklə, onlar təkcə sərxoş olmaq üçün deyil, həm də dostları və ailəsi ilə yaxşı vaxt keçirmək və bütün gecəni davam etdirmək üçün içirlər".
Aydın
Oxşar xəbərlər
İlham Mirzəyev “Space”dən niyə gedib?
Ölkə
19.09.2024
Qara Qarayev “Neftçi”dən getdi (YENİLƏNİB)
İdman
19.09.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər